من روائع الصنديد ابو زيد الامير محمد السديري
نقلتها من احد المنتديات يقول ناشرها انها اول مره تنشر وانا سبقلي قراتها حبيت انزلها لكم وهي من روائع ابو زيد رحمه الله
يقول من شرّف على روس الاقذال =راس الطويل اللي نبا من رجومه رجمٍ براسه للمشاكيل مدهال =ميقاع سمح الريش من عقب حومه فكّرت بالدنيا.. بالأقفا والأقبال =تضحك وتبكي بالغاتٍ رسومه وقامت همومي بالصناديق تجتال =وزفرات بانت بالضماير رقومه حوّلت منه وخاطري للوفا.. مال =يم العزيز اللي فؤداي يرومه لابو بدر.. ساس الوفا مرخص المال =اللي من المعروف فصّل هدومه وافي ويلبس له من الطيب سربال =درعٍ عريضٍ ضافياتٍ كمومه خطّه لفا.. في صفحة الطرس سيال =قافٍ بصفحة باغةٍ ومختومه فتحت له بالقلب باب له أقفال =وفكري صحا.. لابو بدر.. عقب نومه أهلاً عدد ما كان نازل ورحال =من سوق نجرانٍ إلى سوق دومه واعداد ما يسكب من الغيث همال =وبلٍ على وبلٍ تسابع اهشومه عقبه زهور الورد بالعشب تختال =فيه أم سالم كل رجمٍ تهومه تلعب طرب بألحانها تشده البال =ما هيب من خضر الرياض محرومه ما سايلت من قول شامت وعذال =وما همها نوّاب وفد الحكومة راع الوفا.. له داخل القلب منزال =لو دونه ديار وساعٍ خرومه يابو بدر.. تبدّلت كل الأحوال =حتى أشقر الجنحان بدّل ببومه وجميع شيمات العرب صارت أطلال =مثل الهدام اللي وساع ثلومه دنياً يشيّب هولها روس الأطفال =ولا عرفنا بدرها من نجومه منها الجديد إمبدلينه بالأسمال =واوباش وأنذالٍ ترفّع خشومه أقفت سنين الخير عنّا بالأعجال =وشفنا سنين السو شومه ولومه دنياً ضحايا قدرها كل ريبال =نطّاح قالاتٍ يجي بالزهومه دنياً بغفلتها ركض كل ختال =وكم خيّرٍ بالغدر توكل لحومه الخبث له بايع وشاري ونقال =والطيّب إرخص مالقى من يسومه وديك الدجاج معلّق فيه خلخال =وحطوا مفاتيح الذهب في إبهومه الأمير محمد الأحمد السديري |
له من الحكمه الكثير والكثير
رحم الله الامير محمد السديري شكرا يا عبدالله مودتي |
ما سايلت من قول شامـت وعـذال وما همهـا نـوّاب وفـد الحكومـة راع الوفا.. له داخل القلـب منـزال لـو دونـه ديـار وسـاعٍ خرومـه يابو بـدر.. تبدّلـت كـل الأحـوال حتى أشقر الجنحـان بـدّل ببومـه وجميع شيمات العرب صارت أطلال مثل الهـدام اللـي وسـاع ثلومـه دنياً يشيّب هولهـا روس الأطفـال ولا عرفنـا بدرهـا مـن نجـومـه منها الجديـد إمبدلينـه بالأسمـال واوبـاش وأنـذالٍ ترفّـع خشومـه أقفت سنين الخيـر عنّـا بالأعجـال وشفنا سنين السو شومـه ولومـه دنياً ضحايـا قدرهـا كـل ريبـال نطّـاح قـالاتٍ يجـي بالزهـومـه دنيـاً بغفلتهـا ركـض كـل ختـال وكم خيّـرٍ بالغـدر توكـل لحومـه الخبث لـه بايـع وشـاري ونقـال والطيّب إرخص مالقى من يسومـه وديك الدجاج معلّـق فيـه خلخـال وحطوا مفاتيح الذهب فـي إبهومـه الامير محمد بن احمد السديري ---------------------------------- رحمك الله يا ابا زيد وجعلك في جنات النعيم ( اللهم مين ) لا زلت تحيا معنا بكل مكارمك |
رحم الله الامير محمد السديري
واسكنه الجنه مع الابرار شكراً لك أخ عبد الله والشكر للأخت نغم على الاضافة الرائعة ... . . . . |
الله يرحمه ويرحم جميع موتي المسلمين
رووعه روعه روعه صح احساسك |
رحم الله الامير محمد السديري واسكنه الجنه مع الابرار أمير شعراء النبط فهو مدرسه نتعلم منها كل شي جميل ورائع مشكور اخوي على اتحافنا بهذه الدانه الفريده من نوعها |
ما سايلت من قول شامـت وعـذال
وما همهـا نـوّاب وفـد الحكومـة منها الجديـد إمبدلينـه بالأسمـال واوبـاش وأنـذالٍ ترفّـع خشومـه أقفت سنين الخيـر عنّـا بالأعجـال وشفنا سنين السو شومـه ولومـه دنياً ضحايـا قدرهـا كـل ريبـال نطّـاح قـالاتٍ يجـي بالزهـومـه دنيـاً بغفلتهـا ركـض كـل ختـال وكم خيّـرٍ بالغـدر توكـل لحومـه الخبث لـه بايـع وشـاري ونقـال والطيّب إرخص مالقى من يسومـه وديك الدجاج معلّـق فيـه خلخـال وحطوا مفاتيح الذهب فـي إبهومـه الله يرحمك يابوزيد والى جناات الخلد أن شاء الله |
عبد الله بن عريمة ..
شاكرة لك هذه التحف الرائعة من شارعنا الراحل الأمير محمد الأحمد السديري .. (( رحمه الله )) ذوق راقي جدا .. لا تحرمنا .. |
رياض الهديرس
حياك الله وشرفت القصيدة ورحم الله الامير محمد السديري |
ياهلا نغم
شاكرلك مرورك |
الساعة الآن 11:35PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية