|
مجاراتي لقصيدة الاميره الشاعره مها محمد السدير في رثاء زوجها
ألعام يا ام سعود كان الحزن ضيف=واليوم دق اوتاده الحزن فينا .. الحزن غيمة غيبت نجمة الصيف=وبااسباب جوره ياجواهر شكينا .. غاب الحبيب ولا بقى للهنا طيف=والاه يانوره تهاوت علينا .. كن الظهر ياسعود فيه انغمد سيف=والصدر صار لكل الاوجاع مينا .. اقول يا محمد متى فارق وكيف=واصيح ياسارة متى هو بيجينا .. يانوف من عقبه ترى بسمتي زيف=جف الفرح من حولنا وانطفينا .. أبوك يانواف ماله تواصيف=وانشد مشاعل كان مثله لقينا .. والكون ياهيفا بلا ظله مخيف=واعذر بكانا يافهد لو بكينا .. كان القمر كان البحر والمجاديف=كان الحنان اللي بحضنه دفينا .. وكان الملاذ لشاكي الضيم والحيف=كم شال عنا كم خذا عن يدينا .. عاش ورحل كله مهابة وتشريف=جار الحرم فوق الحكي وان حكينا .. والله لو كان المقدر على الكيف=ماغبت يا نايف ولا احنا ظمينا .. كل مارخيت الجفن جدت عواصيف=والشوق ثار وفارقتني السكينة .. وشفتك مثل شمس بروس المشاريف=نورك يناديني وانا اقول وينه؟ .. والقاك واصحى والمحك راقي النيف=حي ولو صلت عليك المدينة .. أحسك بجنبي ماهي تخاريف=ياساكن عيون المهاة الحزينة .. في ذا جلسنا بين صمت وسواليف=وفي ذا الممر اثنينا كم مشينا .. وفي هالزوايا كم جمعنا مواليف=وياما على ذيك المرايا ضوينا .. عشرة عمر ماتنتهي بالصواديف=وذكرى تبي تحيا ولو مابقينا .. الموت يانايف كتاب وتصاريف=وحنا بحكم اللي خلقنا رضينا .. مهـــــا بنـــت محمــــد الأحمــــد الســــديري مجاراة للشاعره مها السديري في رثاء الامير نايف بن عبدالعزيز طيب الله ثراه امل ان تحوز على رضاكم جميعأ
ايــوالله صـيف الحزن جاله عواصـيف = مكتـوب شـئنـا الحزن ولا ابينا راح الحصان اللي حمى طارف السيف = نايف الياء عدت على كل مينا له هيبة تدحـل ضــــباع مشــــاريف = وله سطوتٍ نفخر بها وانتمينا تـبكــى منــــى ويكـنها مسجـد الخيـف = وتبكيــه مكه لو تطـول السـنينا وتبكي المهـاء بدمـوع ريف المواليــف = يالله علـى فقـــد الحبــــه تعينا لاحل ذكـــره فاض دمـــع ٍمراديــــف = جرح بقــى بين الحنـــايا دفينا أي والله راح مـن الحــرار المهاقيـــف = وحنا على حكم القدر مومنينا لايفرح الشيعـي بحكـــم الصـــواديف = لو راح نايـــف كلبــونا بدينـــا نقلــع غروس ركـــزت دون تعريــف =ونزرع على طلال المدينه مدينا دون الوطن مافيــــه زيف ومعاريف = نبقــى على عهد الولا مابقيـــنا عبدالعزيز الشلوه القحطاني |
...
صح لسانك يا عبد العزيز و لاهنت مجاراه رائعة و جميلة دمت بخير كما انت و رحم الله الامير نايف بن عبدالعزيز و اسكنه فسيح جناته ريف .. |
الغالي
الشاعر عبدالعزيز محمد الشلوه اسعدك الله ووفقك بجميع اوقاتك بكل خير سرني واسعدني ان اكون ثاني المصافحين لهذه القصيده المجارية لقصيدة الاميرة مها السديري الرثائية بالفقيد صاحب السمو الملكي الامير نايف بن عبدالعزيز رحمه الله وغفر له امين تسلم يا ابو محمد على هذه المجارات الصادقه وصح لسانك وعلا شانك مليون ولا يكفون تقبل تحياتي |
اقتباس:
مرورك العطر اضاء متصفح اخوك امين يارب العالمين الله يرحم وللي العهد السعودي نايف بن عبد العزيز |
راح الحصان اللي حمى طارف السيف = نايف الياء عدت على كل مينا
له هيبة تدحـل ضــــباع مشــــاريف = وله سطوتٍ نفخر بها وانتمينا تـبكــى منــــى ويكـنها مسجـد الخيـف = وتبكيــه مكه لو تطـول السـنينا وتبكي المهـاء بدمـوع ريف المواليــف = يالله علـى فقـــد الحبــــه تعينا الله الله عليك يالشلوه مجاراة راقيه ورائعه كروعه حضورك صح لسانك مليون ولايسدون |
اقتباس:
اسعدني مرورك فاضلي واطرائك الجميل صح بدنك وسلم راسك |
اقتباس:
اخوي طلال بن نشار صح لسانك مليون ولا يكفون مرورك شرف واطرائك وسام فاضلي |
صح لسانك
شاعرنا الغالي مجارات اكثر من رائعه لشاعرتنا الغاليه مها والله يرحم نايف بن عبدالعزيز |
صح الله لسااااااااااااانك
متابعتي لكل ما تكتب |
الله يرحمه بواسع رحمته لقد أبكتني هذه القصيده
صدى رائع وصوت أروع لله دركما تحياتي /ترانيم المطر |
| الساعة الآن 03:02AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية