![]() |
الـسـديــري بيـنـنـا حــي مـــا مـــات
هذ القصيده هي اول مشاركاتي في مسابقة شاعر العرب حيث كان لي الشرف بالمشاركة في تلك المسابقة التي تحمل اسم غالي علينا جميع وهو اسم
الامير والفارس محمد الاحمد السديري رحمة الله واسكنه فسيح جناته امين
يا الله يا عالـم جميـع الخفيـات= تعلـم خفيـات النفـوس وعدهـا بيدك وتوفيقك تحصـل الكرامـات=ياللي تديم لنعمتـك مـن حمدهـا أسالك التوفيـق والخيـر بالـذات=ونفسي عساها تهتني في سعدهـا من بعدها يا محكميـن القـرارات= سحب الأماني قام يـرزم رعدهـا ولاحت بروق المجد عكس الدعايات= وتحققـت لأهـداف محـدٍ نقدهـا نلت الشرف من يوم قدمت الابيات= مع الحرار اللـي ينومـس هددهـا أهل الشعر وأهل الأدب والمـروات=كلمة شرف عيبٍ على من جحدهـا خيلِ وميدان ومـدارس وهقـوات= وموارد الجـزلات فكـري وردهـا بمسابقة شعر البيـوت الجزيـلات= باسم العرب وأسم السديري سندها ذكر السديري بيننا حي مـا مـات= شعـره مخلـد والمراجـل بجدهـا أمير شاعر جزل وأشعـاره أثبـات= شاعـر حكيـم ومفرداتـه فردهـا محمـد الأحمـد زبـون الونيـات= وافي وكـم قمـه بوقتـه صعدهـا خال الملوك أهل السيوف الصقيلات= اللي تقيـم أحـدود عـزة بلدهـا اللي لهم في كل الأحـداث وقفـات=أحـداث معروفـه وكـلٍ شهدهـا يشهد على قولي مواقـف وقـادات = للعزوة اللي ما خسر مـن قصدهـا آل السعود أهل القصور المنيفـات=الله يدمـر كـل شخـص حسدهـا شاعر سعودي والفخر والطموحات= افدي ثرى ارضىٍ ما تخون بولدهـا المملكـة دار العـدل والسياسـات=والأمن والإيمان ذي مـن عمدهـا والبارحة ما بين صوله وجـولات= أحدث فالسابـق تناقـض جددهـا ريموت فكري لف كـل المحطـات= يبحث عن أشياءٍ مبطيٍ ما وجدهـا أشيٍاء ما تعرض في محيط القنوات=ومن كثر ما يبحث لها ما رصدهـا قام يتجول بين الأحياء والأمـوات= ويبحث عن الحاجات شخصِِ فقدها عشنا وشفنا فالزمـان أختلافـات= من كثرها ما عاد نحصـي عددهـا عشنـا تقلبهـا بليـا خـيـارات= نجهل وناستهـا وعشنـا نكدهـا أشيِِاء تعكر صفوة الفكـر مـرات= تفرض علينا ذي مع اللـي بعدهـا وتحجب روايات وتظهـر روايـات= وتموت بعض أحلامنا فـي مهدهـا وما بين تحقيق الهدف والمتاهـات= شفنـا هقاوينـا ضعيـفِِ جهدهـا ومن لا يفيدك حي ما فاد لا مـات= هذا الصحيح وكلمتـي وأعتمدهـا ومن صد عنك في جميع المجـالات =عيد على فرقاٍِ مـا حـيٍِِ حمدهـا تلقـى بفرقـاه السعـد والملـذات= وقربه مرض عينٍ يخـوف رمدهـا والعمر يقضي والليالـي مسافـات= ويقرب وعد نفسِِ ما تعرف وعدها |
صــــــــــــــــــــــــح لســــــــــــــانــــــــــكــ ومو غريبه منك الابيات الجزله لانكــ شاعر كفو وجزل وتقبل مروري اخوك مشبب الدوسري |
ابداع الصراحه
لاهنت وعساك ع القوه يارب والله يرحمه ويسكنه فسيح جناته يارب تقبل مروري الفقير |
ذكر السديري بيننا حي مـا مـات شعـره مخلـد والمراجـل بجدهـا صح لسانك والله لا يهينك ورحمة الله عليه |
اخوي الشاعر مهدي الحبابي ياهلا فيك وافي ومو غريب عليك الوفا صح الله احساسك الجزل |
الشاعر القدير : مهدي بن مسفر الحبابي
قصيدة مطرزه بماء الذهب .. تنم عن شاعريه عارمه .. دام إبداعك وتوهجك أيها الشامخ |
ذكر السديري بيننا حي مـا مـات شعـره مخلـد والمراجـل بجدهـا أمير شاعر جزل وأشعـاره أثبـات شاعـر حكيـم ومفرداتـه فردهـا محمـد الأحمـد زبـون الونيـات وافي وكـم قمـه بوقتـه صعدهـا هلا وغلا بالغالي الشاعر مهدي بن مسفر الحبابي صح احساسك ولسانك ولاهنت على هذه القصيده الشامخه والجزله في مااحتوت من معنى ومضمون ورحم الله الامير الشاعر محمد الاحمد السديري رحمة واسعه واسكنه فسيح جناته بارك الله فيك والله يعطيك العافيه والصحه تحياتي وتقديري لك |
أخوي مشبب الدوسري
صح بدنك واعتلا شانك شرفني مرورك ورايك لك احترامي وتقديري |
صح لسانك ولاهنت على هذه القصيده الجزلة,,,
|
ابدعت يامهدي
قصيدة برغم تقليديتها الا انها عابقة بالشعر الاصيل دمت |
الساعة الآن 04:58AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية