الاعتراف
ياحبيبي حاسدي لاتسمعه=احذر الحساد فينا يفرحون دع غرير الحب والجاهل دعه=لا تكلم عند ناسً يجهلون في وجودك كانت الدنيا سعه=وفي غيابك موحشه مثل السجون كل سيلاً يجتمع في منقعه=لو تغيب شهور يرجعن الظعون يوم شفتك عقب غيبه مفجعه=كنت أشوفك وأعتبر شوفي ظنون أرتبشت وعشت أنا في معمعه=ودي أثبت لاكن أعصابي تخون كن دق القلب دق المطبعه=في يدين اللي عليها يطبعون طير عقلي طار يمك وأتبعه=يا وديع العقل في عقلي تمون ينحشر بالعين دمعي وأمنعه=لو بكيت اعداي فيني يشمتون ينتهي عزمي بدربك وأدفعه=وأتصور تالي القصه يهون لو تفرق هاجس الحب أجمعه=أنت عندك تلتقي كل الشجون لو يشوفك راهباً في صومعه=صاح لك مذهول يالزين الفتون سيد العشاق عندك مصرعه=راح قلبه قطعتين من الطعون من نظرته في عيونك توجعه=أنت مامثلك بتصويب العيون واهني بالناس من تمشي معه=رابح ٍ وأهل الجواهر يربحون إعترافي باليمين موقعه=أشهد أن العشق للعاشق جنون لو أحب من الغنادير أربعه=لا وربي مثل حبك ما يكون |
لو احب من الغنادير اربعه_لا وربي مثل حبك مايكون
صح بوحك ولاهنت تحياتي.. |
في وجودك كانت الدنيـا سعـه وفي غيابك موحشه مثل السجون قصيدة غير ونادرة جدا مع إنها غزلية ولكن مالها وصيف تحياتي باريسي |
الشاعر القدير
عبدالله الشمري صح لسانك واحساسك قصيدة رائعه ننتظر جديدك ومميزك تحياتي لك |
الغالي
الشاعر عبدالله المفضلي الشمري الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده الجميله والرائعه بكل ما تعنيه الكلمه ايقاع ومعنى وسبك من شاعر متمكن ومبدع صح لسانك وعلا شانك مليون ولا يكفون تقبل تحياتي |
اقتباس:
خيالها حياك الله مشكور على المرور والاشاده تحياتي |
عبدالله المفضلي
قصيده جزله وجميله صح لسانك |
عبدالله
صح لسانك على هذه الرائعه كالعاده ياعبدالله مبدع تحياتي . |
اقتباس:
الاخ باريسي مشكور على المرور والاشاده تحياتي |
الله عليك يابو شمرر ..
الله عليك أطربتين وارويتني عطش في هـ الصباح .. أحب الشمامره فـ الله .. . بـ إذن الله إني من متابعيك بـ شغف . إحترامي |
الساعة الآن 01:19PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية