مرهف احساس
بعض البشر ودك تحبه على الراس = وبعض البشر ودك على الراس تكويه أحدن يشوم بعزته مرهف أحساس = وأحدن على الحقران رجله توديه أحدن يخاف الله : مايظلم الناس = وأحدن على الاقراب يرمي بلاويه الفرق شاسع والرُجل فعله قياس = صحيح من لا يعرف الحر يرميه واللي بلا ميثاق .. ياطيب الساس = عند المواقف ماتعزوي هقاويه لا هان راسٍ للمواجيب .. نبراس = ولا عاش راسٍ ماتنومس مباديه مايدخل حدود البحر غير غطاس = وكلن على ماقيل من دون عانيه ولو المعاني بالشعر تقبل قياس؟ = ماكان نعرف بالمعاني قوافيه لا قيل ربعي قلت لا باس لا باس = أقول (غامد) سبعة أنعام ياهيه ربعي هل الوقفات والطيب نوماس = أدناهم اللي يرفع الراس طاريه أيه أفتخر في لابتي وأرفع الراس = والشعر تسمو بالفعايل معانيه ماهمنا بالناس .. عاذل وبلاس = ماهمنا هرج الحسود وتماديه |
ابو عبدالله
صح لساااانك ولا هان منطوقك تحياتي |
اخي الغالي
ابو نايف اشرقت شمس متصفحي باطلالتك الكريمة لاخلى ولاعدم اخوك الفلاحي |
الساعة الآن 06:17PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية