جنون العبقريه
تدري ان العبقريه آخـر حـدود الجنـون=وآخر حدود الصحاوه من جنون العبقريـه وآخر حدود المحبـه والسوالـف بالعيـون=وآخر حدود القصايـد والليالـي سرمديـه وفوق حد الفن يعني ارسمي من دون لـون=وفوق حد اللون يعني سيلي دمعـك عليـه وآخر حدود المشاعر يسرحون ويمرحـون=مابقى ياكود واحـد كمـل المجنـون ميـه وآخر حدود المصايـب لازبنتينـي تهـون=والله انك مازبنتي غيـر عـرق الوايليـه الحدب سيف(ن) يسولف والجماجم يسكتون=همهمت صوت الجماجم بين ذيك وبين ذيه وآخر حدود العـواذل يقعـدون وياقفـون=شفت كيف الكون واقف ميت(ن) بقلوب حيه وآخر حدود التفاؤل في سمايـه والمـزون=بارق(ن) وازريت اخيله بالسهول الجرهديه |
آخر حدود المصايب لازبنتينـي تهـون والله انك مازبنتي غيـر عـرق الوايليـه كفو / كفو / كفو بيت عن 100 قصيده على خشمك يابو كسار |
ماقول مية بيت مية قصيده = واحد من الويلان يكفيني حضور الشعر لو ينظام يلقى عضيده = من فزعة الويلان يزبن لمنصور صح بدنك ياراعي العليا |
الاخ القدير عويد كسار
الحقيقه ياعويد وبدون مجامله انت تحلق يوما ورى يوم وكل قصيده تكتبها تكون افضل من اختها اما هذه التحفه فانا اراها غيرررررررر ابدعت واجدت وتالقت ياعويد باابداعك وهذا والله يفرحني ويفرح المتذوقين لشعر الاصيل صح السانك على كل حرف وكل بيت وننتظر القادم بشغف |
الاخ القدير عويد كسار صح لسانك وتسلم قصيدة فيها الكثير من الصور الجميلة دمت مبدع ورائع لك تحياتي وتقديري |
اخوي زايد الدغماني صح بدنك وماعليك زود يالغالي وعذرا على التأخير لك مني كل الأخوه والأحترام |
اخوي الشاعر ممدوح هلال صح بدنك واتشرف بمرورك |
هلا وغلا بالغالي عويد كسار العنزي صح احساسك ولسانك ولاهنت نص شعري فخم ورائع وهنا الوقفة التي تستوقف الكثير وآخر حدود المصايـب لازبنتينـي تهـون والله انك مازبنتي غيـر عـرق الوايليـه الحدب سيف(ن) يسولف والجماجم يسكتون همهمت صوت الجماجم بين ذيك وبين ذيه تحياتي واحترامي لك |
استاذي القدير/ خلف الشلهوب صح بدنك ومرورك دعم لنا في مواصلة الأبداع لك مني كل التقدير |
ماقول مية بيت مية قصيده = واحد من الويلان يكفيني حضور ، الشعر لو ينظام يلقى عضيده = من فزعة الويلان يزبن لمنصور ، ، بيّض الله وجهك على هالابيات الجزله دام عـزك يابن كسار |
الساعة الآن 09:39PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية