البارحه ياليل من أنت ليله
البارحه ياليلي من أنت ليله= داهمتني بالهم واليأس والضيق وخليتني من دون جدوا وحيله= أكشف لك أسرار الصدور المغاليق البارق اللي شوف عيني يخيله=اروى ضما غيري وأنا يابس الريق وغديت كني فوق حام المليله= أغيب مع همي ومع همي افيق واعدي المرقاب والصوت أشيله= وألعب على المسحوب زين الطواريق شاعر ولاهي كلمةٍ مستحيله= مخلوق مثله مثل باق المخاليق أخلي الهزله وأجيب الجزيله= أسبح بحر مالي ومال التلافيق اوحيتني يابو الرموش الضليله= وألا تبي توضيح مني وتدقيق النار تالع من شرار الفتيله= وأنته تخون عهودنا والمواثيق مدري علامك بين يومٍ وليله= هزيتني وانا مثل عارض طويق مافيه حملٍ مر غير أرتكيله= أن جن سوا وألا لفني تفاريق واليوم بس اليوم واعزتيله= حمّلة متني ياهوى البال ماطيق وروحت عني والمسافه طويله= ومن ياصل اللي في سمانا محاليق يابنت نفسي ماتجي لك ذليله= وأن جتك أبقطع خافقي بالمعاليق يابنت أنا أبن الباديه والقبيله= حرٍ لو أن مقيدتني مسابيق ماشكي على مخلوق ليه أشتكيله= شكواي لله فارج الهم والضيق |
معدى المراقيب صح لسااااااااااانك تحياتي |
يا معدي الرقاب خله لمشطون هلا والله معدي المرقاب صح لسانك واحساسك على هذه القصيده الرائعه البارق اللي شوف عيني يخيله اروى ضما غيري وأنا يابس الريق وغديت كني فوق حام المليله أغيب مع همي ومع همي افيق واعدي المرقاب والصوت أشيله وألعب على المسحوب زين الطواريق تقبل مروري ولك وافر التحايا رهب |
معدى المراقيب
صح لسااااااااااانك تحياتي |
عاشق
صح بدنك ومشكور يالغالي على الحضور |
الساعة الآن 06:41PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية