|
الخلا ثم الخلا .. أولى مشاركاتي ..
السلام عليكم ورحمة الله وبركاته وكل عام وانتم إلى الله أقرب يسرني أن أتواجد ضيفه وشاعرة في منتديات رهب الادبية هذا الصرح الشامخ الذي يستحق الكثير والكثير من العطا طالما انه يحمل إسم ( الامير السديري ) بقيادة ريما أميرة الشعر والشعراء .. فإن هذا الصرح حرياً بالتواجد والحظور .. أشكركم لفتح أبواب العطا في طريقنا .. إلى قلوبكم أولى مشاركتي أتمنى ان ترتقي إلى ذائقتكم الرفيعه : :
توك تجيني تعترف بانك أخطيت=وانك على الهجران ماعدت قاوي توك تجي وتقول ياليت ياليت=يرجع لنا ليلا به الفرح ضاوي وينك مشاش الملح ماجيت وسقيت=عطشى تحرى منك خلب الهقاوي وينك وانا من كسر ساقي تشاقيت=يوم اعتزيبك وارتجيك التداوي ياكم على جمر اللواهيب ونيت=يومك على برد الهنا والمناوي ياكم انا من دمعة الحزن هليت=وانته سعيد البال والبال خاوي قلبي تفطر من عنا الوقت وأقفيت=يومي لقيت المحقره والبلاوي بصدرا يضيق ابه الدوى وان تداويت=عسر الزفير ولاهب الجرح كاوي جريت صوتي بالشقا والتناهيت=واكتب على جر الربابه غناوي غنى بها طير القطا وأثرك أوحيت=بيت عوى به في دجى الليل عاوي ثم جيت يمي تعترف بإنك أخطيت=وتقول جيتك يانظر عين هاوي لاجابك الله يوم عنّي تخليت=ولاعادك الله يالسنين الخلاوي جعل الخلا فالك عسى بدربك تهيت=محزم فشل ماجاب غير البلاوي قلت الخلا ثم الخلا بذنك أوحيت= وأقولها من قلب حراً نداوي |
معانق الشوق .
صح لســـــــــــانك على هذا الرئعه التي تحمل بـ جعبتهآ .. من الم وحزن .. وسنين تمضي على جسر مجهول .. يسعدني ان اتواجد في متصفحك الذي يحمل كلمـآإت ترسم اثار من الواقع ..!!؟ ودي |
[table1="width:95%;"] | [/table1]معاني الشوق كل عام وانتي بخير ومرحبابك في منتداك بين اخوانك واخواتك سلم البنان الذي سطر لنا هذه الشامخه بما يبوح به احساسك من رقي مصاحباً معه عذوبة الشعر الحقيقي تحياتي |
معاني الشوق
اولا مرحبا بك وثانيا صح ألسانك على القصيده الجزله التي حلقت بنا في سماء الابداع الشعري دمتي بخير |
[table1="width:95%;"] | [/table1]معانق الشوق هلا وغلا منور بيت القصيد وصح لسانك على القصيده الجزله والتي عانقت بها هام الثريا تقبل مروري تحياتي يالغالي |
الشاعرة القديرة/ معاني الشوق
أهلاً بالشعر الذي ولد من فكرٌ لامع .. قصيدة جميلة بكل معانيها .. سلم بنانك وسلم فكرك.. تحيتي لكِ http://www.s111t.com/up/uploads/imag...4b770948f5.gif |
الغاليه الشاعره معاني الشوق اولا ارحب بك في منتديات رهب وحياك الله بين اخوانك واخواتك الشعراء لتكوني من ضمن الكوكبه المميزه لما اراه من واقع هذه المصافحه المتسمه بالقدره الشعريه والتصوير المتقن واقول كفو والله انك شيهانه قلتي وابدعتي وصح لسانك وعلا شانك مليون ولا يكفون تقبلي تحياتي |
معاني الشوق
صح لسانك واحساسك قصيدة رائعه وقوية في حضورها صح لسانك وننتظر جديدك ومميزك وحياك الله في منتديات رهب |
شكيت المحآ‘إج ــر
صح الله بدنك ولاهنت تواجدك محل ترحيب وحفاوه وكلماتك تحفز القلم على العطا شاكرة ومقدرة حسن حظورك تقديري |
القدير عقاب
كل عام وانت بصحة وسلامه دام البقاء طال عمرك ولاهنت صح الله بدنك ممتنة لهذا الحظور الطيب والتواجد الأطيب شـكــ وبارك الله فيك ـــرا لك ... |
| الساعة الآن 09:21AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية