الله يفرجها على كل مهموم
ياقلبي هونها عسى السعد فالك الله يفرجها على كل مهموم ياقلب ما أنت اللي وحيد لحالك كم واحد قبلك متيم ومظلوم خل الأمل باللي عليم بحالك وأعلم ترى ماصار لك شيء مقسوم لاخاب ظنك في رفيق قبالك وش ترتجي من اللي على شمسه غيوم كم واحد شرف وسير وجالك وقت الرخاء ياكثر من جاك بالكوم وعند الشدايد كل منهو سعى لك يقول انا ماني بلاماك ملزوم هو ليه تافي بواحد ماوفى لك لاطايله عذل ولاطايله لوم نصيحتي لك من عزيز صفى لك عليك باللي كنه طويق مزموم صديق مخلص لك على مابدى لك سيد سديد الرأي من عالي القوم اما الرديء لاتصدقه لي حكى لك من جانبه لابد ما تسمع علوم هذي نصيحه مخلص قالها لك دنياك لو تصفى فلا يمكن تدوم |
الله الله الله ... صـــــــــــح لســانـك واحســـاسـك ... انشهـــــــــــــد انـك صــادقــه .... هنـــــــــــــــــــــاااا........ امـــا الــرديء لاتصـــــــــــدقه لي حكـى لك من جانبـــــــــــه لابــد ما تسمــــع علــــوم هـــذي نصــــــــــيحه مخلــص قالهــا لـك دنيـــاك لـــو تصــــفى فـلا يمـكن تــدوم.. رووووعــــــــــــه تحيــــاتــي لـك .... رهــــــــــــــب..................... |
|
الساعة الآن 02:51PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية