يا الله يا عالم الأحوال فـي كـل حـال = يا اللي بفضلك وتوفيقك نعقـد الأمـل
يا عالم السر ما يخفاك غيـب الليـال = من فوق سابع سماء تسمع دبيب النمل
انت العظيم الكريم اللي تجيب السـوال = يا غافر الذنب وتجـازي بقـدر العمـل
بأمرك وحكمك وتوفيقك تعـدل الميـال = يا خالق الخلق بيدينـك تلـم الشمـل
وتجمع شتات القلوب اللي تحب الوصال = وبالوصل بين المحبين الفـرح يكتمـل
والبارحة بين تحقيق الهدف والخيـال = الحلم قام أيتجدد يـوم عكسـه سمـل
والحظ رفت جناحينه وعـدى الطـوال = وأقول يا حظ غـرد لـن عمـك جمـل
الحمـد لله مـا تاقـف بجـرفٍ هيـال = وانا ادري أنك ولو جار الزمن تحتمـل
لنك تعيف الحرام وكـل كسبـك حـلال = والفضل لله عطاك الخير فـرد وجمـل
هذا وتبقى الحياة أدروسها راس مـال = منها وفيها الفوايـد والمغامـر صمـل
والوضع يحتاج وقفه يا كريم السبـال = يا للي بخبرتك تفرق في وسوم الزمـل
يا اللي ما تجهل براع السالفة ويش قال = اللي يقول المشاكل مثل حـب الرمـل
هذي العبـارة تراهـا رد ذاك السـوال = أشوف جل الرعايا بين جـرب وهمـل

مهدي الحبابي

صح لسانك

قصيده جزله

تضمنتها هدف نبل واجابة سؤال

سعدت بقراءتها هذا الصباح الجميل

الذى يشبه جمال ابياتها

وجمال حضورك

تحياتي لك

الغالي
مهدي الحبابي

الله يسعدك بجميع اوقاتك بخير

اسعدني تواجدي بمتصفحك

وتمتعي بما خطه يراعك ونسجه لنا من

فكرك النير من شعر بهذه القصيده العذبه

فانت شاعر متميز بحضورك الرائع

وما اقول الا صح لسانك وعلا شانك


وتقبل تحياتي