يوم الجمعه
السلام عليكم ورحمة الله الغالين هنا في منبع الابداع والادب في شبكة رهب قصيدة جديدة اتمنى ان تنال الاعجاب اقبلوها كم هي واعذروني على التقصير لذواقكم الرفيعه : / \ / \ / \ / سيد الايام والاسبوع يوم الجمعه = اتعب الطرف المشقّى فيه نزف دموعه يالله اني طالبك سترك وحسن السمعه = مالعبدك غير في دار المتاع طموعه كل ما اوقد فكري بليل الاماني شمعه = هبت سويدا الشمال وريحها المسموعه ياشتات احلامي وعمر ٍ تبعثر جمعه = ياحطام آمال ٍ بشمع العنا مشموعه وين القّي والفرح فالعمر مثل اللمعه = وكل فرصة للحياة بمهدها مقموعه من لقلب ٍ جاهد ألوية الشقا مجتمعه = والزمان مخيب ٍ ظنه وزين رموعه من لروح ٍ نبتها حزن وغذاها دمعه = والامل ماتت من رياح الظروف شموعه آه والاصحاب عالم والليالي طمعه = ولانخيت اغلاهم انكرني وسد سموعه آه وا ضلع ٍ يجر الآه محد ٍ سمعه = علَّته غر الهموم وسحبها المجموعه كل يوم يصافح نجوم الصباح بدمعه = وكل ليلة تذبح سويدا الحياة شموعه يالله اني طالبك سترك وحسن السمعه = مالعبدك غير في دار المتاع طموعه \ / \ / \ / \ وسلامتكم |
فيصل العتيبي
حياك الله قصيده رائعه صح لسانك تحياتي |
فيصل
الله لايحرمك من دعاك لاهنت صح لسانك على هذه الرائعه مميز بهذا النص يافيصل تحياتي |
الغالي
الشاعر فيصل العتيبي الله انه يسعدك بجميع اوقاتك اسعدني مروري ومصافحة رائعتك هذه القصيده بما فيها من معنى وابداع رائع وصح لسانك وعلا شانك ولاهنت وتقبل تحياتي |
صح لسانك واعتلا شانك يافيصل
قصيده رائعه ومعبره تقبل صادق مروري مودتي |
سالم وغانم يافيصل صح لسانك يالجزل وبيض الله وجهك |
اخوي رياض
حياك الله نورت المتصفح بحضورك وصح بدنك شرفتني بتواجدك |
عقاب
صح بدنك ومشكوووور على الحضور الجميل والاطراء اللطيف |
فيصل
قصيده رائعه صح لسانك |
مرحبا
فيصل نص رائع وجميل صح لسانك وطاب بنانك جمعه مباركه علينا وعليك كن بخير كل عام |
الساعة الآن 10:58AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية