فديت البسمه اللي ترسم الفتنه على الخدين =فديت الرمش والغره فديتك يانحيل العود
جمعت الشوق من خافق على خدك نثرته لين = يفوح الورد بخدودك وعطّر للمسا عنقود
جمعت الشوق لعيونك ولعيونك انا تدرين=ابرخص لجلك الغالي فدى رمش العيون السود
يا أعذب من سكن فيني وأعذب مابهالثقلين = تعال ولا تخليني ضرير الشوف بالمقصود
تعال وعيش بعيوني تعال انزل هنا يازين = ابي شوفي يعيش احلى حكايات الوفا مشهود
ابي ترسم لنظراتي خطاوي تحمل الاثنين = وكف الوصل مابيني وبينك حبلها ممدود
ضحكت وصار للضحكه بعينك باعث القلبين = بكيت ولا لقيت الا كفوفك تمسح المهدود
يطيب الهرج لعيونك واعيش الفرْح ليل وعين = بعد ماذاب فيني صوتك الفاتن وانا موجود
تعبت اجمع مساحاتك اتوه بفكرة ابدا وين = اشوف بهامتك دنيا كبيره مالها ايّ حدود
ابجمع خافقك فيني ابدّد فكرة الارضين = وفا واخلاص في دولة احاسيس الهوى وورود

المشاركة الأصلية كتبت بواسطة ريف النشاما (المشاركة 370405) الله الله وش خليت يا فهد تعبـت اجمـع مساحـاتـك اتــوه بفـكـرة ابــدا وين اشــوف بهامـتـك دنـيــا كـبـيـره مـالـهـا ايّ حـــدود حدود مالا نهاية من الابداع و الامتاع صح لسانك مدد بلا عدد فعلا انت رائع أحساسك يا شاعر االاحساس جميل عذب رقيق ننتظر منك كل جديد يا فهد كل التقدير ريف

المشاركة الأصلية كتبت بواسطة النجلا (المشاركة 370437) صح لسانك ياشاعر الإحساس إسم على مسمى تحمل رقه وعذوبه وجمال الإحساس شكرااا لجمال ماقرأت بإنتظار كل جديد أرق تحيه

المشاركة الأصلية كتبت بواسطة أنا (المشاركة 370542) شاعر الاحساس اسعد الله روحك هنا ورد هدوي ..قطفه اولى .. بسمة .. واحمراار وجناات .. وله ..وارتعاش خافق ..مساحات وتيه ..ولملمت روح تحياتي ..وتقديري ..ودمت بخير