حبها اللي طًوق , الخفـاق بـا ستحكامـه=ماهوب الخفـاق ,, لا والله ,, كيانـي كلـه


استحلت , تسعه وتسعين % من صمصامـه=وبكره , الباقي مـن النسبـه تبـي تحتلـه


احتوتني بأول ,أمر, المنتـدى , واشمامـه=واحكمت قلبي قبل , لافطن لها , وأفطن لـه


من وراء ... قلبي ومن جنبه ومـن قدامـه=والله اني يوم اهوجس,, ويش انا حـي لـه


راح قلبي في هواها, لعنبـو ,, مـن لامـه=ما درى ! ان البنت بنت / اشيوخ نجد ,وظله


مـن زعامـة موطنـي جدانهـا وأعلامـه=ما تواطـت بالحسـب ولا ,, النسـب لابالله


الشيـوخ اللـي تليـق بذكرهـا الزعامـه=للرفيق افيـاض ريـف ,, وللمعـادي علـه


عزهـا الله بالجمـال اليعربـي وأوسـامـه=وعلقت فـي صدرهـا دق الجمـال وجلـه


ماتوحت في سقيط (( المنتدى )) واخمامـه=عفُُها / الله واستعفت عـن مهـاوي الزلـه


ملحها في وجههـا ,فـي ناظـري علامـه=ياحلو / قبلة هـاك الوجـه المليـح ودلـه


والعيون اللي تحاكـا ,, بالنظـر سلهامـه=وخشمها ياشيب قلبي !! زين هاك السله !!


لو سهرت الليل لاجـل آهاتهـا مـا نامـه=اشهد ان السهـر يصبـح للعيـون اجبلـه


تستحق من القصيد اعذب الحـون انغامـه=وكل مـا يحويـه قلبـي تستحقـه ,, كلـه

الأخ الشاعر _ فهد بن حنس

صح لسانك ..
لاتحتاج لشهادة أحد .. شاعر أكتفي بأن أقول عنه ( قمه من القمم )
مثل ماذكرت اختي ام نواف .
وماقرأته هنا .. أراه يستهوي النفس بمتعه تجعلنا ننسجم
بهذه الشاعريه العذبه .

أسجل أعجابي بكل ماقرأت .

تحياتي لك