مشاركه اولى (( اكبر غلط ))!!!!
مساء الخير ( حسب التوقيت ) من هنا سأمتطى خيل الشعر .. من هنا من طهر هذا المكان الذي يحتظن قلوبكم البيضاء ... مشاركه اولى لعلها تحوز على قدر بسيط من اهتمامكم ..
لاتلومني لاشفتني واقف وحاير لامشيت = ماعدت افرق وين وجه الصح عن وجه الغلط ؟؟ المشكله لو هي على صدك وهجرك ماحكيت = بس البلا اني رافض امشي معك في نفس النمط تبيني ابعد ببتعد لكن ليا من جيت .. جيت = لي قلب مايرضى بغرامك منهج الحل الوسط ! // \\ // \\ // \\
تعبت حتى اني وصلت لذروة الشوق المميت = وأزريت وانا آشيل حلمي من بحر عينك واحط ياما عطيتك من وفا قلبي ومنك ماخذيت = إلا التعاسه .. والشقا .. والهم .. والحيره .. فقط !! يكفي من حروف الغلا نظمت لك تسعين بيت = حتى اجدت بسبتك كتابة الشعر النبط // \\ // \\ // \\
وشلون ابحكم عن سبب ظلمك واقول انك وفيت = مدام كل شي ٍ بفكري من فعايلك أختلط \\ماعاد لي حيله ليا منك تنكرت وجفيت = أستنفذ الخاطر معك كل الوسايل والخطط !! القلب لامنه بكى ماهو بشرط اني بكيت = أعمي عيوني لو اشوف الدمع من عيني سقط ياليت لو كل امنيه تحقق ليا قلت : ليت = إن كان رديت الغلا وأعدت ترتيب النقط !! // \\ // \\ // \\
لكن تأكد لو بغيت تروح وإلا مابغيت = ترى غرامك في حياتي يعتبر (( أكبـر غلط )) !!!!!
فارس الحرف |
فارس وانت فارس حقيقي بلا مجامله كتبت وابدعت .. صح لسانك واحساسك حقيقي قصيده تشبع الذائقه اسعدني المرور والقراءه لك ومليووون هلا تحياتي لك رهب |
اقتباس:
عندما تأتي الكلمات من ذائقه تنتمي للأبداع حتما ً ستختصر لي مسافاااااااااات .. لك من القلب الشكر والامتنان اخوك / فارس الحرف |
فارس الحرف صح الله لساااااااانك ملياااااااااار حبكه شعريه عالية الشاعريه لا يجيدها إلا الكبار فقط هلا وغلا بك وحيّاك الله بين اخوانك واخواتك فى منتداك تقبل مروري وتحياااااتي لك |
اقتباس:
اخي العزيز / عاشق شهادتك وسام على صدري دمت بهذا النقاء |
الله الله الله عليك
قمه في الروووووووعه صح لســـــانك ولاهنت |
الساعة الآن 06:46AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية