للورد.. لاريج الخزامـى.. للاعجـاب=لأصدق براءة ساكنه صـدر مخلـوق
لأجمل مشاعر بوحهـا كلـه اطيـاب=للفجر..للتغريـد.. للحلـم .. للشـوق
لأصفى سماء..لأطهر ثرى.لأجمل أهداب=للحب الأسمى.. لأعذب الشعر..للـذوق
للغيد..لأجمل نسمـةٍ تسبـاء الالبـاب=للأسم الأجمل.. لأجمل احساس ماثوق
للـوردة اللـي شرّعـت للغـلا بـاب=حتى أرتوتها احساس وصدور وعروق
مشاعر الفرحه على صـدور الاحبـاب=غنّت ل"ساره" والغـلا ساقهـا سـوق
"ساره" ولجل عيونها الشعـر ينسـاب=مثل الوفاء مابين عاشـق ومعشـوق
كن الحمام اللي سجع وأقبـل أسـراب=تعزف براءتها لـه الحـان وطـروق
ورحب المدى اللي له من الحسن جلباب=فيها أحتفى وأزداد بأشراقها شـروق
روح الجمال وتـاج تلعـات الأرقـاب=عطر الشمال أقبالهـا غيـم وبـروق
"ساره" هي الفرحه على صدورالاقراب=هي الوفاء وأغلى المشاعر لها طـوق
هناء بها الله من لها ستـر وحجـاب=وأسعد بها الله " درةٍ " حلمها فـوووق

للصدق . للحب . للفجر الغني بالورود = لاحلى صباحً جمع روحً بمضنونها
لاجمل هدب داعب الغره وطال السجود = كنه يناجي ضيا شمسً سبح كونها
للخد . للحاجبين . لضافيات الجعود = للقد . للخصر . للمفرع . لمفتونها
للشفتين ، لحديث مرصعات العقود = اللي تلالا مثل لون البرد لونها
لعيونها لو تكاليف المسافه تكود = أعشق ضمأ لالها وأستعذب أطعونها
لو كل خطوه بضعف اضعاف همي تعود = أشري شقاها وفا وأقول ياهونها
دون الوفا والمحبه وش حلاة الوجود = أنا سبق وان حلفت الروح ماخونها
وأجمل قصيدي هديه لعنق ذيك العنود = والروح قبل القصايد فدوة عيونها