يازين صدّك زاد حجم المسافه=بين القلوب اللي من اول ولايف
والوصل صار الهجر تالي مطافه=وقلبي بعد هاك الغلا صار عايف
الحب ذنبٍ واعترف بأقترافه=حبن سكن بين الضلوع النحايف
كنت النهر لك يوم كنتي ضفافه=وكنت الحروف وكان قلبك صحايف
واليوم نهر الحب يشكي جفافه=ماعاد ترويه الدموع الذرايف
قلبي من الفرقا يزيد ارتجافه=ويلوفني لامر طاريك لايف
واليوم من خلك كفاك اعترافه=اقولها والكل سامع وشايف
طرد المقفّي بعد قفّى ضعافه=مامن وراها الا الندم والحسايف
من صد عنا مامشينا خلافه=نرقا عن القاع الوطى كل نايف
حنا رجال ولا نحسب الكلافه=لو وقتنا زود علينا الكلايف
نعسف صعيبات الدعاوي عسافه=ثقال الحمول اليا ارتكينا خفايف
اموت ماتدخل بقلبي مخافه=موتي شجاع احسن من اموت خايف
يابنت حبك قلبي اليوم عافه=ماشفت منك الا العنا والكسايف
من يوم هجرك زاد حجم المسافه=عفوا ترى ماعاد حنا ولايف

المشاركة الأصلية كتبت بواسطة حمود الجــش (المشاركة 113222) اخواني اخواتي اعضاء هذا الصرح الشامخ بأهله السلام عليكم ورحمة الله وبركاته اقدم لكم هذه القصيده اللتي اتمنى ان تحوز على رضاكم واستحسانكم يازين صدّك زاد حجم المسافه=بين القلوب اللي من اول ولايف والوصل صار الهجر تالي مطافه=وقلبي بعد هاك الغلا صار عايف الحب ذنبٍ واعترف بأقترافه=حبن سكن بين الضلوع النحايف كنت النهر لك يوم كنتي ضفافه=وكنت الحروف وكان قلبك صحايف واليوم نهر الحب يشكي جفافه=ماعاد ترويه الدموع الذرايف قلبي من الفرقا يزيد ارتجافه=ويلوفني لامر طاريك لايف واليوم من خلك كفاك اعترافه=اقولها والكل سامع وشايف طرد المقفّي بعد قفّى ضعافه=مامن وراها الا الندم والحسايف من صد عنا مامشينا خلافه=نرقا عن القاع الوطى كل نايف حنا رجال ولا نحسب الكلافه=لو وقتنا زود علينا الكلايف نعسف صعيبات الدعاوي عسافه=ثقال الحمول اليا ارتكينا خفايف اموت ماتدخل بقلبي مخافه=موتي شجاع احسن من اموت خايف يابنت حبك قلبي اليوم عافه=ماشفت منك الا العنا والكسايف من يوم هجرك زاد حجم المسافه=عفوا ترى ماعاد حنا ولايف

صح لسانك وعلى شانك

جميل مانثر قلمك من ابيات ممتازه

وزن وقافيه مليئه باالمعاني

الشامخه

والعزه في النفس الله لايهينك

ماقصرت لك اجمل تقديري

الشاعر

حمود الجش


حيّاالله الحضور المميز

مصافحه رائعه

من شاعر مبدع

أستمتعت بما قرأت من جزاله وابداع

صح الله لسانك مدد بلا عدد

تقبل اعجابي


تحياتي لك