|
مجاراة لاتكسر الفانوس للامير خالد الفيصل.
[table1="width:95%;"] | [/table1]لا تـــــكـــــســـــر الـــــفـــــانــــــوس لـسـمــو الامــيــر الـشـاعــر خــالـــد الـفـيـصــل [table1="width:95%;"] | [/table1]لا تكسـر الفانـوس والليـل داهـم =اترك بصيص النور يمكـن يقدّيـك مثلك يصيـر بلعبـة الوقـت فاهـم =لو ما عطيت الوقت وش لون يعطيك الغـاوي اللـي بالخيـالات واهـم =لا يسمع الهـادي ولا هـو بهاديـك لا تستمـع لاهـل النمامـه تراهـم =يبون شبـة نارهـا بيـن أهاليـك واحرص على جيران دارك عساهم =يثنون لى جاك العدو طامـع فيـك الأهـل تقـوى بالمـودة عصاهـم =والقوم تخشى جمعك اللـي يباريـك ماتبري القلـب العطيـب الدراهـم =ولاتعيـد العافيـة كثـر اداويــك حار الفكر والطرف بالليـل ساهـم =وشوفـات فكـري بددتهـا لياليـك ثـور عجـاج مدلـهـم وجـاهـم =وراه نوٍ ناصـي خضـر أراضيـك الله ينجـي دارنـا مــن بـلاهـم=والله مـن شـر الليالـي ينجـيـك [table1="width:95%;"] | [/table1]مجاراة الشاعر علي بن نشوان لقصيدة لا تكسر الفانوس [table1="width:95%;"] | [/table1]سلام لكْ يا من مـع السيـف دايـم =مرحبْ وحيّـا الله سمـوّكْ وأهليـن ترحيب ما شنّـت سحـاب الغمايـم =وسالت الوديان وصبـت ببحريـن يحميك يابْن الجود يابْـن الأكـارم =مع بنيْكْ لي هم على النّهج شدّ يـن تعيـش ياخالـد وللحـق صــارم =في نصْرة الاءسلام وفي نصرة الدين تسمو مـع العليـا أميـرا وحاكـم =بمنطـق الحكمـهْ وقـول المحقّيـن تظـل بالمـعـروف والخيرقـايـم =أدعيهْ واْختم فـي د عائـي بآميـن مع الحكمْ قال بْـن نشـوان هايـم =بهـا تلـوّع مثـل لـوْع المحبّيـن قال الحكيم من كان ساري وعـازم =قبل الطريق يختار اذي هو يهدّيـن الناس بالناس في غثـى أو سلاهـم =وأفضل الناس لـي تراهـم ملبّيـن مالي وصحْبهْ في السّلـى والسلايـم =وساعـة الشّـده وضيقـي مولّيـن الشّهـم الـي تلقـاه والليـل داهـم =مثل البـوارق أو نجـومِ تضوّيـن والغاوي اللي في الخيـالات واهـم =يغويكْ.. فلا تسمع لقـول المظلّيـن والجار ولو جار واصل الجار ولازم =تلقاه حازب فـي وجـوه المعاديـن وغلْمتكْ بالوصـل قـوّي عصاكـم =أعداكْ لا تْبلّـوا يعـودوا مـذَ لّيـن والمال بعض الناس ربـي ابتلاهـم =الرابحيـن المنفقيـن والمزكـيـن والخاسريـن يـا ويلهـم ياعزاهـم =مبذريـن أو مسرفيـن أو مضرّيـن والمعْدمين المرتضيـن يـا هناهـم =الصابرين بشرى بثقـل الموازيـن حبّـي لخالـد حـب عاقـل لفاهـم =ومـن بقولـهْ أو بقولـي ملمّـيـن واْحباب ظلّوا في الفوءاد ما نساهـم =مهما ومهما فـي فـوءادي مسوّيـن متى متـى ياليـت شعـري أراهـم =وليت شعري ما عرفـت المحبّيـن واْزكى الصلاهْ عليك يانسل هاشـم =ما حجّوا الحجاح وصلّـى مصلّيـن [table1="width:95%;"] | [/table1]تقبلوا أطيب التحايـــــــــــا |
اهلاً بك اختي يازمان العجايب
ومشكوره على نقل قصيدة الامير خالد الفيصل الرائعه بقافيتها الصعبه والراقيه وللمعلوميه الامير خالد عندما كتب هذه انهى جميع كلمات القافيه يعني القاف شيب ولا يستطيع احد مجاراته عليها وقصيدة الشاعر على بن نشوان ليست مجاره لقصيده لاتكسر الفانوس لانها ليست على القافيتين لكي مني جزيل الشكر على روعة النقل |
زايد الدغماني
سلمت وقصيدة ابن نشوان رد على قصيدة ابو بندر لان لاتكسر الفانوس قصيدةرائعه فوق الوصف وما تحمله من مفردات جميله فهي من القصائد الاولى عندي واعتقد غيري يشعر بما أشعر به لا تكسـر الفانـوس والليـل داهـم =اترك بصيص النور يمكـن يقدّيـك |
اهلا اختي زمان العجايب
كيف مافهمت عليك انتي تقولين قصيدة ابن نشوان مجاراه لقصيدة خالد الفيصل لاتكسر الفانوس منهو ابو بندر القصيدتيتن مختلفتين يعني ليس فيها مجاراه لتوضيح الف شكر لكي |
اخ زايد الدغماني
شكرا مرة اخرى والقصيده عندي له ما يقارب ثمان سنين وانا اعشقها ومعقوله ما تعرف ان كنية الامير خالد الفيصل هو ابو بندر عاد اعذر اختك الشاعر نشرها في مجلة المختلف انها مجاراة ومعليش ليس لي علم بالاوزان والمقاييس بالشعر دمتم سالما" |
يا زمان العجايب
شكرا على النقل قصيدة اكثر من رائعة كما تعودنا من الامير خالد الفيصل فقصائده تغرد خارج السرب وللعلم اول مره اقرءها وتحمل معاني كثيره |
لا تكسـر الفانـوس والليـل داهـم
=اترك بصيص النور يمكـن يقدّيـك شكرا على مرورك الكريم ظل الياسمين |
| الساعة الآن 09:23PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية