|
مـزيـونـة الـغـيــد .. ؟
أسعد الله اوقاتكم بالخير والمحبه.. للتواصل.. بوح .. ونبض روح .. وعذرا للأطـالـــه .. البارحـه" يـوم كـلٍ نـام وأرتـاحـي انـا لذيـذ الكـرى عيـنـي مفارقـهـا . . . ياما أذن المـذن التالـي وأنـا صاحـي أحـدّث النفـس مـدري ويـش مقلقهـا . . . اعيش آلامـي وحلمـي يبعـد اشباحـي وأفتـح نوافـذ خيـال الفكـر وأغلقهـا . . . مع مهمهـي السـراب الشـارد الناحـي نفسـي روت غـيّ والاّهـوب محرقهـا . . . زادي بياض المـدى والهقـوه اسلاحـي للغايـة اللـي نمـت بعمـاق عاشقـهـا . . . مدّيـت كـف اليميـن لبـارقٍ لاحــي أحسب مطـر هالسحايـب مثـل بارقهـا . . . وأسرجت خيل الآمال وجيـت بوشاحـي في ضحكةٍ عـن عتـام الوقـت سارقهـا . . . الـدرة اللـي عليهـا غنّـت اجـراحـي في غيهب اليـم طـرف العيـن يرمقهـا . . . لو أظهرت لي علـى ملـواح مضياحـي عهـدٍ عليّـه حمـول الصـدر لاعتقهـا . . . ماأنشد من اللي جلس؟من قام؟ من طاحي؟ بـس اتفيّـا تحـت غيمـة عشارقـهـا . . . مزيونة الغيـد عيـد ونـور وأفراحـي من خدها الشمس تاخـذ نـور مشرقهـا . . . أن هزّت الليـل عنهـا الليـل ينزاحـي وأن خاوت الصبح صبح الحـور عانقهـا . . . بين الحـرام الوكـاد! وظـن! ومباحـي متشابهـات الحـلايـا بــان فارقـهـا . . . وأنـا عليهـا "ولـوه" وخافقـي شاحـي عاشـق وتـمـم مواثيـقـه ووثقـهـا . . . بيـن الكتابـه لهـا وأنامـل المـاحـي أحـاول أزرع وفايـه فــي حدايقـهـا . . . يوم أنتبهت وبديـت أشعـال مصباحـي لـي أوحـت السالفـه غائـب حقائقهـا . . . طيري نهض وأنتحـى مافـاد ملواحـي بـأرضٍ خـلا والهبايـب زاد صافقـهـا . . . حرٍ طليـق السبـوق وشـاف ميلاحـي زعيمـة الجـول لـو تمديـه يلحقـهـا . . . عليـه كنـز الضمائـر بـان وأنباحـي والروح حـزن الفـراق المـر سايقهـا . . . راحـت ليالـي عمـر. والهـم ماراحـي ماكنّـه الاّ خُلـق روحــي مرافقـهـا . . . ان قلت اذنوب أعرف التوبه لهـا ماحـي وأن قلت الاحساس! ليه الروح مرهقهـا؟ . . . الكلمـة اللـي نطقهـا لسـان مزاحـي احيان اكـذّب بهـا ؟ واحيـان اصدقهـا |
صالح.. هلا بك مرات اخي الكريم صح لسانك واحساسك وكلك .. صالح احيان الحلم خبز لا حرمنا الله منه.. ولما لا نحيا على فتاته افضل من ان لا نجد رغيف. تحياتي لك اسعدني مروري من متصفحك لا عدمتك رهب |
زادي بياض المـدى والهقـوه اسلاحـي للغايـة اللـي نمـت بعمـاق عاشقـهـا صالح صح لسانك لاهنت |
اقتباس:
رهب تقديري لهذا الاحتفا والشكر كل الشكر لمااقراه هنا.. الحلم والحياة كالجسد والروح.. نحلم فـ نصتدم بالواقع ونتألم فنقترب من انفسنا اكثر ..نشعر بقيمة الحياة أكثر ونستعذب الألم الذي يقترن بالحلم الممتد الى أن يجف النبض .. الحلم أمتداد من الألم اللذيذ.. الحلم.. رغيف الاغنياء بالانسانية..فقط .. اسعدني حضورك كثيرا.. وتشرفت بــه شكرا يرقى لسمو فكرك.. تحياتي |
اقتباس:
رياض الهـديرس هلابك اخي العزيز شرفني تواجدك.. وســعدت باطلاعك وانطباعك شكرا لمرورك الممطر بالوفا لاعدمتك تحياتي لك |
صالح الضويحي جميل ما اقراه لك دوما انت مبدع فوق العاده خيالك بحر الله لا يضرك صح لسانك على كل حال
|
مع مهمهـي السـراب الشـارد الناحـي=نفسـي روت غـيّ والاّهـوب محرقهـا زادي بياض المـدى والهقـوه اسلاحـي=للغايـة اللـي نمـت بعمـاق عاشقـهـا الشاعر القدير (( صالح الضويحيــ )) دائماً نقف أمام قصائدك وقفت أعجاب وذهول سحر الكلمه والإبداع الحقيقي بإحساس قل نظيره دمت بتألق ورقي ورفعه وسمو فكر مع خالص الإحترام والتقدير لك مني كل التحايا |
اقتباس:
علي خلف الدهمشي مع كل حضور لك وللاوفياء امثالك اشعر بالفخر والاعتزاز انتم روافد الابداع التي تمنحنا اجواءه العطره الممطره شكرا لك ولسمو حضورك ولاعدمتك تحياتي |
اقتباس:
سماعيل العقيل ودائما انتظر حضور ك وحضور امثالك فهو تشريف لمتصفحي ومصدر اعتزاز لي شكرا لاطلاعك وسمو انطباعك لاهنت تحياتي لك |
صالح الضويحي
دائما اقرا لك ودائما ازداد اعجابا بما تكتب قلم متمكن يبحر بنا الي حيث نشااء لا حرمنا الله منك ومن حروفك المكتوبه بماء الذهب دمت بود |
| الساعة الآن 01:18AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية