|
غـيـر الـتـواضـع والـثـقـه مـابـه قـصـور !!
بالارض والماء والملامح والافكار = يجبرني الغالي وأنا فيه مكسور مثل الخواطر والقصيده والاسفار = لا حي لا ميت ولا عاش مشهور هذا هو الغالي .. وأنا فيه محتار = غير التواضع والثقه مابه قصور بين البدايه والنهايه والاصرار = مافاتني صبحه ولا طافه النور غالي وأحبه والهوى ماله جدار = له النفس ظل ومواقيت وجذور والله لو أزرع بالورق بوح الاسرار= غير أيتوهج بين الاعماق والسور أسقيه من جرحٍ له بحور وانهار = أبذر له أحساسي وينبت له شعور أرض الغرام اللي لها ضلوعي أسوار = أنا لها الحارس وأنا راعي الشور ماقلت في غيره وأنا عاشق أشعار = ولا قلت من قبله ولا بعده غرور أنه وأنا الغالي له حروف وأنظار = مكتوب مايرخص وأنا أقراه مغرور """" """ "" " |
غالي وأحبه والهـوى مالـه جـدار له النفس ظـل ومواقيـت وجـذور والله لو أزرع بالورق بوح الاسـرار غير أيتوهج بين الاعمـاق والسـور أسقيه من جرحٍ له بحـور وانهـار أبذر له أحساسي وينبت لـه شعـور الله الله صح لسانك اخي منصور والله يعطيك العافية |
(((((غالي وأحبه والهـوى مالـه جـدار=له النفس ظـل ومواقيـت وجـذور))))
صح لسانك اخوي الغالي روعه وفيه ملا حظه في كتابة الابيات يوجد غلط مطبعي باليت اللي اعلاه ممكن يكون بهذا الشكل غالي وأحبه والهـوى مالـه جـدار=والنفس له ظـل ومواقيـت وجـذور |
الغالي الشاعر منصور الرويلي الله يسعدك على ما تقدم لنا فامامي قصيده قمه بمحتواها ومعناها وسبكها فانت شاعر متمكن وغني عن التعريف وما حضوري الا من اجل تسجيل اعجابي بكل ما تطرح وما اقول الا صح لسانك وعلا شانك يالغالي وتقبل تحياتي |
صح لسااااانك بوح جميل واكثر من رااائع يعطيك الف عافية لك شكري وتقديري الأمل البعيد |
اكثر من رااائعة صح لسانك شاعرنا المبدع |
غالي وأحبه والهـوى مالـه جـدار له النفس ظـل ومواقيـت وجـذور وهنا .. ظل / مواقيت / جذور ودوحةٍ وارفة الظلال وشلال عذب .. . . . هذا هو الغالي .. وأنا فيـه محتـار غير التواضع والثقه مابـه قصـور عندما تكون الثقة يكون التواضع.. صفتان اتت هنا بين ادات استثناء " غير" وصفه " قصور" فـ اخـتـلف مدلولها وأخذ ت منحى آخر .. ربما هو مقصود . بين البدايـه والنهايـه والاصـرار مافاتني صبحـه ولا طافـه النـور غالي وأحبه والهـوى مالـه جـدار له النفس ظـل ومواقيـت وجـذور والله لو أزرع بالورق بوح الاسرار غير أيتوهج بين الاعماق والسـور منصور الرويلي متميز بـ لغة الحرف وسلاسته وعذوبة البوح وصدق الروح تحياتي لك |
الشاعر / منصور الرويلي
يسعد مساك وصح لسانك .. حقيقةً لاأدري من أين أبدأ لكن تفاجأت في هذه القصيده ! وليس كما عودتنا في قصائدك الأخرى التي نُشيد فيها دائماً . أنا لي بعض التعقيب على القصيده : بالارض والماء والملامح والافكـار=يجبرني الغالي وأنـا فيـه مكسـور مثل الخواطر والقصيـده والاسفـار=لا حي لا ميت ولا عـاش مشهـور في البيت الأول والثاني مفردات رائعه . ولكن يشوبها الغموض .. حاولت أن أعرف وجه الشبه أو حتى العلاقه بين شطري البيتين الأول والثاني ولم أجد . غالي وأحبه والهـوى مالـه جـدار له النفس ظـل ومواقيـت وجـذور وهنا تفاجأت بـ كسر واضح في الشطر الثاني . وأتمنى لوأنه خطأ مطبعي مثل ماوضح الأخ الشاعر / نمر يفترض أن تستبدل بـ : والنفس له ظـل ومواقيـت وجـذور تحياتي لك وتقديري . |
| الساعة الآن 07:33AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية