|
احدٍ تذعذع له على روس الاقذال 00 واحدٍ يعيش من الوزا عيشة الذيب
من اجمل ماقرأت في الحكمه وفي الشعر النبطي للشاعر محمد السديري
دنياك يامخلوق يظهر بها أشكال توريك صفحات وتكشف لك الغيب تخفى عنك حال وتبدي لك احوال تكدر مشاريب وتصفي مشاريب يهفا بها جيل وتخلق بها اجيال ولو اضحكت تبكي وفيها عذاريب للمفتهم فيها جديدات واسمال بيضٍ لياليها وسودٍ غرابيب وفيها نهارٍ واضحٍ يشعل اشعال وفيها نهار مظلمٍ به لواهيب احدٍ تذعذع له على روس الاقذال واحدٍ يعيش من الوزا عيشة الذيب دنياك تجري بين الاقفا والاقبال واليا اوجهت غارات خيلٍ مهاذيب يالادمي ماطاوعت كل عذال كم ليَّعت بالبوق من يفعل الطيب دنيا يبيَّد حيلها كل محتال تدور بك دورات عجل الدواليب ياقفايها تعرض ولا ترحم الحال وباقبالها تملا كبار المحاليب انبيك يامن سلت عن بعض الاحوال انشد وانا لك حاضر الفكر ومجيب أن كان تبي الرشد ياطيب الفال ازبن على رزَّاق عكف المخاليب ازبن على اللى في يده علم الاجال علَّام ما بالكون مذر المعاطيب الواحد اللي للصعيبات حلَّال منقذ مداريكٍ ومبري مصاويب اخلص لعلَّام السراير بالافعال وناجه اليا صكت عليك اللواليب ادعه يفرَّج لك ليا صكك الجال حلَّال عسرات الامور المصاعيب اللي دعاه ايوب من ضيم الاهوال وانجاه من حالٍ تزايد بها الشيب الناس في دنياك كل له اعمال اتبع طريق العدل وابعد عن العيب ولا يغرك بالرخم كبر الازوال وكبر النسور المهدفات المحاديب المقصود في كلمة الوزا في البيت السادس الوزا = الحاجه والله اعلم |
مشكور مقدام
وصح لسان شاعرها ويعطيك العافيه على نقلك تحياااااااتـــي |
العفو يافلانه
صح الله بدنك الله يعافيك وشكرا على اطلاعك |
|
| الساعة الآن 12:46AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية