|
زُهور ٌمِنْ بَسَاتِينَهٌم
بسم الله الرحمن الرحيم تحية طيبة وبعد ، خلال تصفحي لـ بيت القصيد ، وجدت أزهاراً كُثر من بساتين مشاعر من كتبها وأحببت أن يكون المتصفح هنا قطفات ورد من بساتين مشاعر الشعراء وأخترت في البداية بعض مما قرأت وراق لي ولذائقتي وأنتظر ما تجود به أياديكم الكريمة وتحملونه لنا هنا سواء كانت الكلمات شعراً او همساً ونثراً . كل التحايا
بالأمانه خوف ربك فيني وحب فـ أمـــانـــه=مابعد بي حيل أصيح ولابقى بي جهد أعاني كل عشاق الهوى لو شفت مايرضون إهانه=طيب شمعنى تبين أقبل يجي حد فمكاني يادخون أسعد مساء ياهيل أهله وزعفرانه=بارك الله بالظروف اللي تجيبك يا أناني مسهلا يامنهل الزين ووطنه وعنفوانه=أعشب الحلم وتروت باللقى عطش المحاني إقلط ولك فالورق خانه وفالخفاق خانه=إنت خلك مستريح وإنس وإحلف مانساني يبعدي خذ ماتبي دام الغلا عاود كيانه=آمر وكلي حلالك إظلم وقل ماعطاني بين شوقك لازهمني والولع لاجأ ميانه=هذا أنا ياجاعل من اللي يجيلك شخص ثاني جور هو من عندنا غيرك يجور وله مكانه=مالجرحي لك خشير ولا لغيرك شبت أماني طول مالسن اللهب تلعب فراس الخيزرانه=إنت عرضها الهبوب ورح خل أقهر زماني ماكفربي كود سهم الخرس لامل الكنانه=والشموس المسفهله والمهند واللياني يا إلاهي لاعصى المرمر ولاية ديدحانه=ينولد صبح ٍ جديد وتمطر الدنياء أغاني قلت أبأنسى خنجر الغدر وسكاكين الخيانه=رحت أحييبك تقول الملح عن ذنبك عماني بالأمانه لا إتعودها و تسلا بالأمانه=مابقى بي صوت أصيح ولا بعد بي حيل أعاني الشاعر المبدع ( غازي البستان ) : |
تعبت الله يكون بعـون هـذا القلـب وبعونـي=تعبت من الوجيه اللي تجـي وتـروح بسهولـه وانا صعبه أ صـدق كيـف خلونـي وباعونـي=اقول احيان: معقوله .. وهي ماهيـب معقولـه لاني مـا قـدرت الا معاهـم احسّـن ظنونـي=واقول: الجرح والزله .. من الغالين .. مقبولـه أدوّر عذرهم واسكت.. وامشّيهـا علـى هونـي=واقول: اخطائهم تُغفر ..وهي بالعمـد مفعولـه واقول: اهمهم طبعـاً .. مثـل ماهـم يهمونـي=وقف ياما لهم قلبي .. وهم ما يوم وقفـوا لـه متى ما ضاقت الدنيا بهـم ذرعـاً .. يلاقونـي=وهم.. لا ضقت بالدنيا .. ألاقي قلوب مشغولـه عوايدهم متى مـا احتجتهـم غابـوا وهدونـي=ومتى ما احتاجوا القاهم كثر.. وشفاه معسولـه يلوم الله على طيبة خفوقـي.. مـن يلومونـي=ما دام ان النوايـا بيـض .. والآمـال مأمولـه صبرت اكثر من اللازم .. وقلـت إلا يريدونـي=وهم فعلاً يريدوني .. ولكـن .. نفـس مقتولـه بعد ما قصـروا حتـى قبـل فرقاهـم اعطونـي=على كم جرح.. كم كلمه.. وكم طعنه.. وكم قوله وراحوا بس انا مـدري نسونـي او تناسونـي=خلاصة ما حدث .. راحوا .. وكلن صار في دوله نعم مالت على حظي .. ردي .. واستاهل جنوني=لاني طحت في بعض القلوب .. الغير مسئولـه لمن لا يعتبر عبره .. يجي ويشـوف وشلونـي=عباره عن جسد ميّت.. وفيه أعضـاء مشلولـه تعوّدت انصـدم بالـذات ممّـن هـم يحبونـي=وانا ما عندي استعداد اجرّب واخسـر الجولـه على كثر الوجيه اللـي تمـر الحيـن بعيونـي=احس الناس بالنسبة لمثلي .. نـاس مجهولـه باعيش بدونهم عادي مثـل ماعاشـوا بدونـي=وذي كلمه على لساني .. وهي للقلـب مقيولـه ما دام ان الهوى طعنه وشفت طعونـك طعونـي=تطمّن حيل يا قلبي .. انـا مـا عادنـي حولـه وما دام كثير حبوني .. وجـت فتـره وخلونـي=اجل بطلت .. وشهوله احـب .. بالله وشهولـه الشاعرة المبدعة ( رهب ) : : |
يعني كذا .. صار الوضع (فوضه) ويغشاه الضباب =مزاج متقلّب ، و رأي اعوج ، و نظره مـا تـرى ؟ الليل يا الليلة نبـي نلثـم (كـذا) .. خـد التـراب =ماهوب كُره بـقدر ماهـو ميّـت و لا بـه ثـرى صدقنـي الإنسـان لـو ماشـاف قدّامـه سراب .= ماذاق للماء طعم لو جرحـه بعد ذاقه بـرى و انا ادري انك يالسؤال السهل يا صعـب الجـواب=متيقّن إني ما عرفـت اصـفّ و الا امسـك سِـرَى و لا صارت الدعوة (شبابية) فـ أنا ضمـن الشبـاب =لكن اشوف إن ( الإمام ) ، المفترض يوقف ورى! ياخي : بنـات افكارنـا ملّـن مـن لـبـاس الحـجـاب. .=م لّ ن : يصير الميم كاف لـبنـت فكـر ٍ تُحتـرى وتدري متى نحكم على بعـض القصايـد بالخـراب؟ .=لا صـار كاتبهـا حـرامـي ٍ يبـيـع و يُشـتـرى يُلقي بعين و عيـن تحـت الطاولـة تقـرا الكتـاب =(شاغر) كراسي ، إنتهى الفصل الدراسي مـا درى! ولا جاك (ي ت ف ل س ف) تقول يحوم قدّامه ذباب .=يهش عن وجهـه ، تقـول انه يدوّر له ذرى عزاااي فيك و في عقول ٍ تعرف : الشعر الصـواب =والا انا ؟ شاعر على قـدّي و انـا قـد اؤمـرا اليـا بغيـت اجيبهـا ؟ اجيبـهـا لــو ماتـجـاب =واليـا بغيـت اكبّهـا اطيـب لـعينـي و الـكـرى و إن قالوا وش تعني (بلادك) لك؟ قلـت الإنتسـاب .=لأرض الجزيره ، مُحتضن طيبة و طيب ام القـرى وش يعني الارهاب؟ ، الارهـاب يعنـي فآرهـاب! =واللي جرى لولا الخيانـة للوطـن هـا / مـا جـرى و الديرة الديرة ، انا الليلـة ملـى عينـي العـذاب =اشتقـت للديـره كـذا فجـأه وانـا بشـارع حـرا ثم فاضت انفاسي و قلـت الثـم على خـد التـراب =ماهوب كُره بـقـدر ماهـو ميّـت ولا بـه ثـرى الشاعر المبدع ( عبد الرحمن السميري) : : |
المبدع الاستاذ ( عبد الله مداح ) : : |
فكره جميله جدا شكرا وانا معك فيها وقصائد جميله بداية موفقه اخوي . . |
| الساعة الآن 06:03AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية
