مصافحه أولى:العمر واحد والدهر كله اسباب=والصمت مايوقف سيوف المنايا
أخواني الأعضاء أسعد الله أوقاتكم بكل خير يسعدني المشاركه معكم بهذا النص كمصافحه أولى
ياخاطري سولف بلا قيد واحساب=سولف وطول بالقصص والحكايا خل الكلام اللي سكت يفتح الباب=يكفي غريب الدار صمت الزوايا سولف. وسولف وترك الهرج ينساب=ماعاد باقي للحواجز بقايا تلعب موازين الدهر دور الارهاب=توشحت بالسود بيض النوايا سولف علي ياخاطري وانت منصاب=مليت صمتك والجروح الخفايا عطني علوم الليل يوم القمر غاب=سولف عن اللي تحتويه الحوايا ياخاطري سولف ولا ابغاك ترتاب=عن مسألة بوق العهد والوصايا كم ضاع حق وفيه للحق طلاب= ومن ضاع حقه ماتحرى العطايا ياخاطري سولف عن الوضع بسهاب=كلي سمع لمعقدات القضايا لي (سن) يضحك بالشدايد.ولي ناب=ولي هامةٍ تشمخ بكل المرايا ماعاد افكر.. وش خذى الوقت.. وش جاب=عندي تساوت حسنته بالسوايا ياخاطري سولف علي مابقا اصحاب= في عالماً كله ذنوب وخطايا العمر واحد والدهر كله اسباب=والصمت مايوقف سيوف المنايا ياخاطري ماهزني جمع الاحزاب=حتى لون اسنين عمري عرايا ماذل نفسي عند ربعي والاجناب=وجيوب ثوبي من كفوفي ملايا ياخاطري..تدري.. ترا خاطري طاب=ماقلت يكفي مير.. خل البقايا |
::
اهلاً بك ياخلف.. في قصيدتك هذه كان للشعر حضـور جميـل سررت بتواجدي هنا تحياتي لك |
مـاذل نفسـي عنـد ربعـي والاجنـاب
وجيـوب ثوبـي مـن كفوفـي مـلايـا صح والله لسانك مدد بلا عدد ياخلف قصيدة اكثر من رائعه سجل مروري واعجابي بما قرأت ودمت بكل الود |
اقتباس:
هلا بك الله لايهينك وأسعدني حضورك الشامخ. |
الغالي الشاعر القدير
خلف الاسيد هلا وغلا ونورت المنتدى بقدومك مااسعدني وانا اصافح اسمك في منتديات رهب الشامخه وهلا وغلا وبانتظار تواصلك العذب هنا تحياتي واحترامي دمت كما تحب |
الساعة الآن 03:36AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية