بـــقـــــايـــــا ....!!!
مـــدخــــل ) تذكر احلام السنـين.؟ وماعلى حرفك يبـيـن...!! تذكر انغام السوالف..؟؟ ننطرب بأحلى معازف اهـ ياصوت الأنين .. وانتصارات الحنين... والله عارف .. انك الماي بعروقي واحلى نبضه في خفوقي ..!! وانك انت بس انت..؟ وحدك اللي كنت شوقي...! ياغلا اصعب خفوق.. واغـــلا من كلـــمة غـلا.. ماعرفت الا شفــوق..!! قلب ماعمرهـ سلا..! . . . ابكــتبلك بقايا شوق رجـاها في مواصــيلك=تنــادي للأمل لحظــه ابــيك شــوي قبــل لاانساك انا لليوم اشـــتاقك واناظــر كل مــراســيلك=اخايل عمري من دونك واعيش بــدنيتــي اضماك حبيبي والعــمر مره تعال اضــوي قنــاديلك=تعبت اعيش في درب(ن)ظلام وشغــلته ينخاك حبيبي دمعتــي تنــزف دواهـا بس منــاديلك=ظــناها الــشوق بغيابك وســالت مـن قــهر فرقاك احبك ايه انا احبك وقلبي سـاهر(ن)ليــلك=احبك وانــت تدريبي انــا مـــن هالبــحر مــرساك تعال وجيب وقت(ن)راح تغنـيلي واغنيلك=نســامر وقتنــا للــصــبـح وانا بس كلمــتي افــداك نقول من الشـعر ابيات لحــنها مـن مـواويلك= وتغلــط فـي قصــيدك بس الا من شفتــني يمــنــاك تجي يمـــي قبل لااحكــي قبل حتى انــاديلك=فــديت احــساسك الصــادق فديته كــل مــايــزهاك نعاند حرفنا بالذات سـوالف جيــلي وجــيلك =تشــاطرني على المعنــى وانا ياحــسرتي اقــراك تجيني لانــويت ازعل بضــحكه من اقاويلك=هـــمــومك بس لاجيــتك وانا في داخلــي اشـــواك واقــول بهمــس لو تــدري انا منــك ابشكيلك=وتاخــذني مابيـن ايــديك وانا بس نــظــرتي لهناك اناظر في بحر عينك واكــمل في تفاصــيلك=واقول من الخـجل بعتاب خفوقـي غــايته شــرواك تقول بصوتك الهادي شعـوري وش بيعـنيلك=ارد بصوت نفــس الهمــس ســـؤالك مــاعرف دنياك تجاوبني على ضحكه ســؤالي من تحــاليلك=يابنت ارجوك بــس كلـمه انا في هالطــلب رجواك مدامــك عايشــه فيــني وقلبــي من مـداهيلك=وش المانع من شعور(ن )يبوح بكــلمته اهـــواك سوالف انتهـت فيني وصـارت من بهــاذيلك=ذكرتك في زمان الغــيم سحـــابه واكتـــفت لقــياك عديمه ارضنا جدباء ضـماها من بعد سيـلك=كئــيـــبه وحشــة الظــلمه تجــسد حــالــتي ويـــاك . . . مخــــرج) ضمني بين العيون... دامنـــي اهوى بجـــنون خلني فيك استريح..... !! ادري بقليـــبــــي يمــــون.. ياعشق لاعبني لعـب..!! ياروح فـــرقاها صـــعب... بطلب وانا كلي رجــا .. لاترتــخي قـلبــي تعــب... لايطـــرحك مــــوج السفـــينه..! ولاتنتــهي فيك المدينه.. دام بغــلا قلبك شــــعـــوب... لاترتخي عيون(ن) حزينه ...! ولاينتهي قلب(ن) يذوب... . يعني اتفقنا بالكلام..؟ وانك تبادلني الغرام....؟؟ وانك وانك او انام..! عسى بأحلامي جديــدهـ... الجـــــموح |
الجموح اسعد الله روحك الله عليك يالجموح .. نص مدخله ..سكاكر ..ومخرجه قاتوه ..ومابينهما ..قطع متناثره ..من شوكلاتة ألأحساس. حلى الذائقه ..وامتع تحياتي ..وتقديري ..ودمتي بخير |
الغاليه
الشاعره الجموح لله انه يسعدك بجميع اوقاتك بكل خير اسعدني مروري وان اكون ضمن المصافحين لهذه القصيده الاروع من رائعه بما تحمله من شعر ومعنى وصح لسنك وعلا شانك مليون ولا يكفون وتقبلي تحياتي |
جموح
رائعه بما تعنيه الكلمه وصف للقاء و اجتماع محبوبين صح لسانك ولا هنتي يالحره دمتي كما تحبين و ننتظر الجديد ريف |
الجمــــــــوح
مدخل به من الروووعة مايكفي وقصيدة بحق من قالها توفي ونتهادى لمخرج يعيدنا للبدايه مرار ا وتكرارا فصح لسانك ويعطيك العافيه |
الغالية جموح
صح لسانك على هذه الأبيات .. أبدعتي بحق تقبّلي مروري ومتابعتي الدائمة لك. |
الجموح...
ما أعذب هذا البوح وما أرق حرفه حروف من الندى على مساحات الوله والشجن تحياتي وتقديري |
الشاعره الجموح,,,
من بداية حرفكـ لـ أخر مشاعركـ,,, صح كلكـ,,, ودمتي بود,,, |
الجموح
هندسة معمارية شعريه حضارة النقش الاسلامي في مدخل وجمال الشكل وروعة الاحساس والرقي والفخامه في النص وقوة الحرف والنقش على الحجر في المخرج ارق تحيه كلاس |
الشاعره المبدعه الجموح
الف صح لسانك على هذه العذوبه لله درك .. حروف ومعاني أصيله , دمتي ودام نبض قلمك تحياتي وتقديري دمتي بخير |
الساعة الآن 08:20PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية