شبكة رهب الأدبية-ريما محمد السديري - ** البارحه يوم الربوع اول العيد **

- بـيـت الـقـصـيـد (http://www.rhb-reema.com/vb/forumdisplay.php?f=40)

- - ** البارحه يوم الربوع اول العيد ** (http://www.rhb-reema.com/vb/showthread.php?t=2836)

** البارحه يوم الربوع اول العيد **

السلام عليكم واسعد الله اوقاتكم بكل خير وكل عام ووانتم بخير بناسبة العيد الاضحى المبارك
قصيدة جديده للتواصل اتمنى ان تجد في ذائقتكم مايناسبها من الاعجاب


	البارحه يوم الربوع اول العيد عايدت ربعي من قراب وزماله لكن طرالي صاحبي سيد الغيد وسريت من حد العقل للجهـاله فياذيب ياللي بالخلا مامعك صيد جر الطويله وابعــد الفــكر داله هوجس وجر عواك وان قلت لك عيد فيعني ترى طاريه عود خيــاله احــن له وأون وازفر بتنهـيـد وعواك يطربني ويبقـى جماله دونه ثمان شـــهور ياذيب وتزيد والله مادري ويش وضعه وحاله فارق وسافر وين من دون تحديد سافر وكن الياس قطع حبالــــه هجره شقا حتى مع مقدم العيد قمت اتذكر كل وقت مضــى له دام ان بنات الفكر لجله شواريد فببقى معلق بالرجا في وصالــه http://www.arb-up.com/files/arb-up-Dec1/LWc29973.jpg

ودمتم بكل خير وود

اخوي فهد ..

هلا وغلا بك من جديد منور وكل عام وانت بخير ..

فارق وسافر وين من دون تحديد
سافر وكن الياس قطع حبالــــه

هجره شقا حتى مع مقدم العيد
قمت اتذكر كل وقت مضــى له

صح لسانك واحساسك ..

وافر التحاياااا..

من رهب

أخوي فهد

ياهلابك وياهلا بهالإبداع وهالقصيد الزين

وكل عام وانت بخير

بصراحه

قصيده أخّاذه بكل معنى الكلمه

صح لسانك أخوي واعتلا شانك

بانتظار جديدك العذب

تقبّل تحياتي

صح السانك

وزانت اوزانك

وسلم بنانك
ونزف وجدانك

اخوي فهد..............
كلماتك رااائعه توحي بحنين المحبوب...
لقد اخذت القارئ معك في روووعة الاسلوب..
مملو ء بالشغف المصحوب...
بدهشةٍ لما يملكه هذا الشاعر الموهوب..
تقبل مروري
تحياتي
,
,
,

الاخت الفاضله شاعرتنا رهب اشكر مرورك العطر وصح بدنك
ولك مني كل الود ودمتي بخير

الاخت الشاعره العنود الشيباني صح بدنك وتسلمين على مرورك العطر
ولك مني كل العرفان ودمتي بخير

شاعرنا الفاضل عادل الخالد تسلم ويسلم مرورك
وصح بدنك يالغالي
ولك مني كل الود
ودمت بخير

القمر الصامت تسلمين على مرورك وعلى ردك العطر
اشكرك كل الشكر ولك مني كل الائمتنان
ودمتي بود