بالضلوع العوج فيه أكبر مدينه = كانت لشاعر بناها من عذابه
كم مشى داخل شوارعها الحزينه = وكم تلحف في شتاها بإغترابه
كانت لشاعر رسمها من أنينه = والله أعلم كان يدفيها بثيابه
لاذكرها ينحني هيبه جبينه = كنها اللي تعاتبه لحظة غيابه
ولاذكرها ترتعش حتى يدينه = تسجد العبره خضوعن للكآبه
ولاذكرها تنكسر دمعه بعينه = ومادرت عنه ولاحست عتابه
كان يهديها حياته ياسمينه = من سببها عايفن حتى شرابه
إسألوها شاعرك ماتذكرينه = وقالت أعرف جرة الشوق بترابه
وإسألوها لوغلط ماتعذرينه = وقالت إن حبه ينسيني الخطا..به
وإسألوها ويش قدم في يمينه = وإسكتت فيها حيا ولامن إجابه
حايره في هالإجابه أو رهينه = يامدينه شاعرك ضيع شبابه
من ورث جرحه وكنتي تكسرينه = وصارت أيامه مع الشيب إتشابه
من حكمتيه المؤبد بالغبينه = صار مجهول الهويه والقرابه
كم عطاك من الورود وتحرمينه = لايشمه ولايشوفه من الغرابه
من هداك ولابخل تتجاهلينه = دوري له عذر واحد لإغترابه
ليت مره يوم يشكي تسمعينه = تمسحين الدمع وتطيب الأصابه
مارحمتي عبرة الذل المهينه = وإنتي أكثر من كسر فيه المهابه
عشقه الوافي فضا لاتحسبينه = كل حرفن جرته حزن الربابه
وكل كلمة حب في قلبه سجينه = جا بيطلقها وتاهت في سرابه
ماقدرتي من يحبك تفهمينه = تحسبين إن المحبه بالنيابه
بعد هذا من حدودك تطردينه = وين يسكن هو بقى فيها رحابه
كاذبه ياهالمدينه ومستهينه = كم خدعتي ممحل القلب بسحابه
وشاعرك لوينكسر لاتجبرينه = يامدينه تلبسين ثياب غابه
كنتي أجمل حلم عاشه في سنينه = وكنتي أصعب حب في شعرالكتابه
يامدينه ذاك جرحي تلمسينه = مارضت فيه اليهود ولاصحابه
من بنى فيك المشاعر تهدمينه = من عشانه ينكسر قلب الغلابه
بالحنايا العوج كنتي أكبر مدينه = هلت دموعي مذله عند بابه

المشاركة الأصلية كتبت بواسطة عادل الظفيري (المشاركة 36486) هذه هي مدينتي الأزليه رغم الحطام الذي وجدته ورغم تنكرها لي لازلت أكن الوفاء لها (( مديــنــة شــاعــر )) بالضلوع العوج فيه أكبر مدينه = كانت لشاعر بناها من عذابه كم مشى داخل شوارعها الحزينه = وكم تلحف في شتاها بإغترابه كانت لشاعر رسمها من أنينه = والله أعلم كان يدفيها بثيابه لاذكرها ينحني هيبه جبينه = كنها اللي تعاتبه لحظة غيابه ولاذكرها ترتعش حتى يدينه = تسجد العبره خضوعن للكآبه ولاذكرها تنكسر دمعه بعينه = ومادرت عنه ولاحست عتابه كان يهديها حياته ياسمينه = من سببها عايفن حتى شرابه إسألوها شاعرك ماتذكرينه = وقالت أعرف جرة الشوق بترابه وإسألوها لوغلط ماتعذرينه = وقالت إن حبه ينسيني الخطا..به وإسألوها ويش قدم في يمينه = وإسكتت فيها حيا ولامن إجابه حايره في هالإجابه أو رهينه = يامدينه شاعرك ضيع شبابه من ورث جرحه وكنتي تكسرينه = وصارت أيامه مع الشيب إتشابه من حكمتيه المؤبد بالغبينه = صار مجهول الهويه والقرابه كم عطاك من الورود وتحرمينه = لايشمه ولايشوفه من الغرابه من هداك ولابخل تتجاهلينه = دوري له عذر واحد لإغترابه ليت مره يوم يشكي تسمعينه = تمسحين الدمع وتطيب الأصابه مارحمتي عبرة الذل المهينه = وإنتي أكثر من كسر فيه المهابه عشقه الوافي فضا لاتحسبينه = كل حرفن جرته حزن الربابه وكل كلمة حب في قلبه سجينه = جا بيطلقها وتاهت في سرابه ماقدرتي من يحبك تفهمينه = تحسبين إن المحبه بالنيابه بعد هذا من حدودك تطردينه = وين يسكن هو بقى فيها رحابه كاذبه ياهالمدينه ومستهينه = كم خدعتي ممحل القلب بسحابه وشاعرك لوينكسر لاتجبرينه = يامدينه تلبسين ثياب غابه كنتي أجمل حلم عاشه في سنينه = وكنتي أصعب حب في شعرالكتابه يامدينه ذاك جرحي تلمسينه = مارضت فيه اليهود ولاصحابه من بنى فيك المشاعر تهدمينه = من عشانه ينكسر قلب الغلابه بالحنايا العوج كنتي أكبر مدينه = هلت دموعي مذله عند بابه عادل الظفيري