مسكين يشتي من الظبي اللبن ّ=يالهف قلبي ويا غــَـبني عليه
ياليت في الناس هو أية حد(ن)ّ=تــَـبــّت يد الحب ما سوة يديه
تايه كما موج يبحث عن وطن ّ=بايع لروحه ألا .. من يشتريه
يقايض الموت في زهد الثمن ّ=وبس لحظه حبيبه يلتقيه
دُقّ الوتر يا معـُـودن بالشجن ّ=خلي مواويل نبضك تحتويه
حــَـلــّـق بروحه وهــَـمــّــل للبدن ّ=إن كان باقي بعمره باتجيه
وارثي لوجدان يملاه الحــَـزن ّ=خلي المعاني بالاول تبتديه
خليه ينسى تفاصيل الزمن ّ=وارسم له الحلم واقع يستضيه
ما يلتفت لو .. مليحات الوجن ّ=في حــُـمرة الخد لون الكـَـركــَـديه
ينسى حبيبه محاله ألف لن ّ=لان الي يعشق ولا له من شبيه
عنده تهاديه في قطعة كفن ّ=ولا تقله حبيبك ما تبيه
في داخله غيرها ما قد سكن ّ=إنسان أو في سواها يشتهيه
من في جنونه وفي عشقه بمن ّ=من يفتدي عاشقه من يفتديه
يغمض جفونه ويبقى في وسن ّ=ويفز ّ من صوت وهمه لو .. مشيه
العشق يغلب محاذير الفــِـطن ّ=كم من عقول(ن) بسلطانه تـتـــِــيــه