مقتطفات من قصائد الأمير/محمدالسديري رحمه الله
 

من روائع الشاعرالأمير/ محمد الأحمد السديري رحمة الله..


غنيت ما قصدي طرب في iiحياتـي...لاشك مـن دورات الأيـام غنيـت
وجاوبت ورقا الراعبي عن iiسكاتـي...غنا وانـا غنيـت مثلـه iiوونيـت
نشدتني عـن حالتـي يـا iiشفاتـي...ونا مريض القلب لو انـي iiاخفيـت
اضحك وونات الحشـا iiموجعاتـي...واشرب قراح وكن شربي من iiالزيت
وبالعين يا خالد نشـوف iiالجناتـي...يا عز راسي شفت الاجرام iiوغضيت
واغيب كنـي محـرم iiبالصلاتـي...لو هو ندهني رافع الصوت ما اوحيت
محد يعـرف جروحـي iiالخافياتـي...وإلى نشدني واحـد عنـه iiصديـت
اصـد وابغـض ناقليـن iiالوشاتـي...وناجي اللي مـا لغيـره iiترجيـت
ما اظن به حـي يسـوي iiسواتـي...وحيد بالدنيا واصـارع iiعفاريـت
وذكـرت دور ايامنـا iiالماضياتـي ...والحقت مع عبرات صدري iiتناهيت
يا كثر مـا شفنـا مـن iiالعايباتـي...وإلى زعلت من الخطا قالو iiاخطيت
وطاحت عن الكتفين فجـة iiعباتـي...وحلقـت بالافكـار ثـم iiاستلجيـت
وفكرت في شيء جرى لي iiوفاتـي...حيف يفتت بسـرة القلـب iiتفتيـت
من جور هوله زلـزل iiالراسياتـي..يميت حي وباللحد يزعـل iiالميـت
ويشيب طفل ويذهـل المرضعاتـي...ينسن رضيع الديد صرعاً iiمباهيـت
ونابرجـوا مـجـري الكاينـاتـي...وكبرت باسمـاه العزيـزه iiولبيـت
اللي عصم يوسف عـن iiالخايناتـي...ورده على يعقوب عقب iiالتفاخيـت
كـل يقـول انـه بفعلـه iiزناتـي...والفعل راحو به هل المجد والصيـت
ماريـد دار الـذل دار iiالعصاتـي...دار الخنا والغـدر منهـا iiاستمليـت
متـى عليهـا نسمـع iiالنايحـاتـي...ودار الثنا والجود فيهـا iiزغاريـت
يالله يلـلـي تعـلـم الخافـيـاتـي...انـك تمشيهـا علـى مـا iiتمنيـت



وله ايضا:


يا مشرف المرقـاب خلـه لمشطـون
حـول وخـل مولـع القلـب iiيرقـا
خله لمشطون تزايـد بـه iiالكـون
علـى عشيـر زود الهجـر iiفرقـا
ينـوح يـوم ان الخلايـق iiينامـون
ويزيد نوحه كل مـا سمـع iiورقـا
ياسف له اللي للهوا مـا iiيعرفـون
ويا سعود شلانه من الدمـع iiغرقـا
وكبده من الغالي بها تسعة iiطعون
والعاشره يا سعـود بالقلـب زرقـا
محد عشق مثله مع الحضـر وضعـون
شمـر وعـنـازن وروق iiوبـرقـا
طفل يتـل القلـب تـل بـلا iiهـون
يسبا الفواد ويسرق الحـال iiسرقـا






وله ايضا:


اللي هتف باسماه قلبي وناداه
حتى الضلوع بوجدها صفقت له

اللي غرامه تل قلبي من أقصاه
وبالدمع عيني خيّلت وامطرت له

اللي عسفت النفس لاجله ولرضاه
والرجل في سمر الغداري عنت له

بيا سبب عهد الهوا ليه ينساه
وينسى تخطي رجلي اللي خطت له

الرجل لو هو نازح الدار تنصاه
على حثاث القاع يا ما مشت له

أموت من فرقاه واحيا بذكراه
والروح خلت جسمه وانتحت له

قولو له أنه عذب القلب وأدماه
وحي يود لقاه ماله بقتله

ياكود والله غيبة عقب لاماه
وعيني بكت فرقاه ثم اخجلت له

ماصاب قيس بحب ليلى توطاه
ولوعات قيس وماجرى له جرت له

مالاق له غيره من الناس مشهاه
ويعاف كل الخود لو عرضت له

ان شاف زوله مغرم القلب يبراه
وان غير صد مايلتفت له

أغليه لامانساه واذكر سجاياه
لوهو بعيد الدار نفسي هفت له

معذبي بالحب وان حل طرياه
اسرار ودي بالضمير اهتفت له

لو هو ظهر للناس وابدى محياه
كل الخلايق بالجمال اشهدت له

عزاه ياقلب على الصبر ماقواه
لو مابغى الفرقا عصت واخطمت له

عزي لمن دمعه على الخد مجراه
ودنياه غيب نورها مااسفرت له

قولو لبن سلوم ابو زيد ينخاه
يوم ان غارات الهوا صادفت له

يتابع الونات من كود ماجاه
لوكثر الونات مافرجت له

يهيم مثل موده وسط مضماه
يذكر سنين بالوداد ضحكت له

ماجت له الدنيا على ماتمناه
وذياب ياسه من حبيبه عودت له

يكفيه من جور الهوا ربع ماجاه
وتغيرت دنياه يوم اوجهت له

قلبه من الحرمان فاخت حناياه
من يوم باقي ايامها ماصفت له

هنيت من حصل مرامه بدنياه
والورق بلحون السعد غردت له



المولع الي في طريق الهوا تاه
لومابغاه اشراك دربه سعت له





وله ايضا







الله على وقت مضى فات يا حسين.....وعزّي لمن بيض العذارى كوّنـه
ياحسين وين اللّي بشوفه يسليـن.....اللي جعلتـه للضمايـر مضنّـه
عليه من بعد النيّأ تـذرف العيـن.....والقلب ونّـأت الحشـا يوجعنّـه
سود الليالي تلحق البيـن بالبيـن....ومـا بيضنّـه بالمـوّده محـنّـه
العام عـام الـود عـام المحبيـن.....لو فيه نيران على القلـب جنّـه
واليوم اهل مضنون عيني بعيدين.....وسود الليالي عن ديـاري حدنـه
الله لحـد مافيـه حـي يعـزيـن.....وعلى زمان فـات جريـت ونـه
والحقتها تسعيـن ونـه وتسعيـن...من عقب ماهي بالحشـا مستكنـه
ونات من هو طاح بين المثاريـن.....خيـلٍ ٍ تعدنـه وخيـل وطـنـه
فرسان ربعه عن مطيحه مقفيـن.....وفرسان ضده شاهريـن الاسنـه
من فوق قـب كنهـن الشياهيـن......في حومـة الميـدات تشاوحنـه
بغا المنير وجو هل الخيل عجلين.....والخيل اعاقـن نيتـه واعجلنـه
وطبوا عليه وسدو الديـن بالديـن.....والخيل فوقـه كظّمـن بالاعنـه



رحم الله الأمير/محمدالسديري.......رحمه واسعه واسكنه
فسيح جناته







من اختياري....سعود