مرثية الشاعر ذياب بن عبود العصيمي (بسموه)
/ / ريب الملا يا للي عن الغيب علام= رب الملا يا سامع كل سايل تفرج لمن جفنه جفى النوم ما نام= و صدره يكظ الغيظ مثل الملايل وعين تهل عبارها كيف تنلام = عليك يا راعي الوفى والفضايل مرحوم ما تذرى ذعاذيع الانسام= مرحوم ما هلت تعول الخمايل مرحوم ما حجوا و ما صام صوام= مرحوم يا ملفي كبار الحمايل يبكيك يا بو زيد اراميل و ايتام= ويبكيك شيال الحمول الثقايل ولو خط خط في بيض الصحايف بالاقلام= ما سجّلت ما نلت من كل طايل وعمر الفتى لو طال للعمر صّرام= و الله يدوم و ما سوى الرب زايل الموت ليته بدّل أجسام باجسام = ليت المنايا بدّلت بك بدايل ولا مات من خلّف علىمر الأيام= اشبال ليث يدركون الجمايل الكل منهم في هوى المجد مريام= وعينه على كسب النفايل تخايل وما قدمت يمناك تلقاه قدّام = تلقاه قدمك يا حميد الخصايل من واد بن هشبل ليا نقرة الشام= تناقلوا حسناك قايل لقايل قالوا حميد الطبع للمجد عزّام = ورايه يدل مدورين الدلايل وقالوا قوي العزم للمعضله قام= وقالوا عفيف النفس جزل النوايل راس المعادي ينهزع لك و لو رام= يا عوق من عاداه لو جاه صايل تشهد على ما قلت قحطان مع يام= ومطير و عتيبه و كل القبايل ويشهد جزيل القول عام باثر عام= ويشهد على ما قلت جزل المتايل ويسعون في ميدان شعرك بالاقدام= في ساحته يسعون صايل و جايل وشعرك يفوق ومعجز كل نضام= وينبي بتاريخ الجدود الاوايل ويبقى كما النبراس للي بالارحام= مثايل ما قالها كل قايل . |
الساعة الآن 09:00AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية