يا بداح مجلـس هـل الدقـات ماليبـه=اخذت عبره من اللي صـار فالماضـي
حتيش لـو يبتسـم ويـزود ترحيبـه=لا بد من كلمة(ن) تزعلـك يالراضـي
يجيبهـا كنـهـا مـزحـه بأساليـبـه=وهي كلها من لعانـة قلـب وابغاضـي
وأليا لطمته ضحـك بسنـون تركيبـه=ثم قال انا امزح معك وش فيك مغتاضي
وأليا تركتـه مصيبـه واكبـر مصيبـه=يغلق الصدر ضيقه عقب مـا غاضـي
لكن ترا الحل يـا بـن العـم تجنيبـه=وتركه على وجهته يرثع على الفاضـي
عليـك باللـي قليـلات(ن) عذاريبـه=اللي عصمه الولي عن نهش الاعراضي
أليـا نصيتـه تحفوابـك ومـن طيبـه=حرص(ن) على راحتك بالحيل ويحاضي
هـذاك ودك يـا بـن عمـي بتقريبـه=وتبعيد ناس(ن) تجي من تحت الانقاضي
ناس(ن) لها خبرة(ن) فالهرج والغيبـه=وعلومهم قال عايـض فبـن عواضـي
والرجـل تكفيـه فالدنـيـا تجاريـبـه=وانا خذيت العبر مـن وقتـي الماضـي

[table1="width:95%;"]

[table1="width:95%;"]

شاعرنا القدير

سلطان بن دحيم صدقت اخي الكريم

وصف اكثر من رايع لهذه الحثاله اصحاب الدسايس والقلوب

المريضه صح لسانك وعلا شانك ولاهنت

المشاركة الأصلية كتبت بواسطة سر دار (المشاركة 210697) سلطان بن دحيم. صح لسانك ملايين ابدعت ياالرائع. عليك باللـي قليـلات(ن) عذاريبـه اللي عصمه الولي عن نهش الاعراضـي أليا نصيتـه تحفوابـك ومـن طيبـه حرص(ن) على راحتك بالحيل ويحاضي هذاك ودك يـا بـن عمـي بتقريبـه وتبعيد ناس(ن) تجي من تحت الانقاضي ناس(ن) لها خبرة(ن) فالهـرج والغيبـه وعلومهم قال عايض فبـن عواضـي والرجـل تكفيـه فالدنيـا تجاريـبـه وانا خذيت العبر مـن وقتـي الماضـي اطيب التحايا