|
مـــجــرد حــلــم
أدق الرقـم وأتراجـع وأقـول لنيتـي بعديـن= خجـل والا عـدم تأكيـد باللـي ودي أقولـه أكيد لو قلت له أهواك يبي يضحك ملا الشدقين= وهذا اللي يخوفني وأقول لنفسـي وش هولـه أحبه من طلع بين الخلايـق واشتهـر بسنيـن= ولكن صعب أوصل له حنين القلـب وميولـه أخاف أني أصرح بسم محبوبي على الجنسيـن= ويوصفني كثير من العـرب هالبنـت مهبولـه وأخاف أليا درى في حال أمري ما يلـد بعيـن= لوضعٍ لو درا به مـا تأخـر شايـل حمولـه اتابعه النظر واحفـظ تقاسيـم انفعالـه زيـن= ألا يـا زيـن درٍ مـن ثنايـا جـات مقيولـه جرحني وده اللي ما درا به عـازف اللونيـن= اعذر اللي هويته ما درى عن عشـق مقتولـه سعيده في هوى من هو سكن في مهجتي والعين= يسامرني خياله وانتبه واصحـى علـى زولـه ألا يا من يودية الخبـر عـن حالـة الأمريـن= حياة العشق وظروفـي تنـادي للأمـل حولـه ابجلس في جـواره واتامـل كاتـب الحرفيـن= يكفينـي فخـر لوهـو كتـب فينـي وغنولـه وأطير من الفرح وأقول لا مال العمـر تكفيـن= تخليني مـع أحلامـي بـراءة عالـم اطفولـه وأقول لمن ضحك بالأمس يلفيني بعـد يوميـن= وأراقب اندهاش أوجوه بدت بالفعـل مذهولـه وأقول الدنيا ضحكت لي بعد ما نلت منها الشين= يوم أن الحظ جايب لي حبيبا قلت مـا طولـه مجرد حلـم وأتمنـى أعيشـه واقـعٍ لوحيـن= ألا يا كبر سعدي لو تحقـق حلمـي بوصولـه عسى يقرأ بيوت الشعر ما ينظر لهـا بعديـن= ويبـادر باتصالـه سيـدي وانشـد لطبـولـه شعر /الملتاعة اعذروني لعدم معرفتي بالتنسيق( الاعتراف بالحق فضيله) |
الغاليه الشاعره الملتاعه الله يسعدك بجميع اوقاتك بالخير اسعدني ان اكون اول المصافحين لهذه القصيده الشامخه بما تحمله من مشاعر فياضه بكل فنون الحب العذري ان لم يكن الخيالي معاني ومفردات وايقاع انتي شاعره متمكنه وصح لسانك وعلا شانك لاهنتي تقبلي تحياتي |
غاليتي
الملتاعة سلم بنانك على ماصافح به فكرنا ليبحربنا إلى عالم الحب المجنون دمتِ نقية تقديري لك http://up111.arabsh.com/s/v1jltefil6.gif |
الشاعره القديره / الملتاعه
وقصيده كالرشاش عند أول الهطول لك رائحة الورد والريحان والكادي ... |
الملتاعه ابدعتي قصيده من تحمل الروعه الكثير تقبلى مروري تحياتي |
الملتاعه صح لسانك شرف المرور من هنا والمضمون كافي .. ابدعتي اعتذر لمروري المتأخر من هنا بسبب غيابي صح نبضك ودام تواجدك تحياتي لك رهب |
.. . . . . صح لسانك شاعرتنا. قصيدة في غاية الروعة .. . . . . |
الشاعرة القديرة
الملتاعة صح لسانك واحساسك قصيدة رائعه و مميزة ننتظر جديدك تقبلي مروري وتحياتي |
أحسنتي يافاضله وصح لسانك ولا يعني التنسيق كثيرا ً لمن يبحث عن الشعر دمتي بخير . |
اقتباس:
اسعد الله حالك وانعم عليك بمترف الافراح سررت بهذه المصافحه الكريمه التي لها مكانة الاحترام والتقدير شكرا للمرور والكلمه قبائل من الجوري |
| الساعة الآن 02:02AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية