ياذابل الشفه اللي هرجها خدري=ياناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه
ان جيت مقبل تناثر ليلك الغدري=ضافي جديلك على الساقين واقدامه
ترمي بسهم العيون وكان ما تدري = قلبي صويبك وهذي طعنة اسهامه
الليل بعيونك النجلا حفر قبري =من اول احلام عمري لآخر ايامه
الوقت لاشفت زولك مر بي بدري=كن الدقايق توازي ماضي اعوامه
الشعر مايوصفك لوانتثر حبري = على الورق يا(.....)جفّت اقلامه
لكن عزايه احبك واقبلي عذري=القلب سيف المحبه ناوي اعدامه
لومات حبك ياحبي مانزل قدري=اشوم بأسمي وراسي رافع الهامه
مايكسر القلب غير البعد ياجبري=ولاينزف الجرح الا غربة اوهامه
وشلون ابنسي غرام ٍ نبضه بصدري..؟=ياهاجس البوح والاحساس وهيامه..؟
وياذابل الشفه اللي هرجها خدري=يفداك حرف ٍ رسمتي بصمة ابهامه

المشاركة الأصلية كتبت بواسطة سفير المعاني (المشاركة 340683) الغالي الشاعر فرج الدهمشي الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الاجمل من جميله و الاروع من رائعه وما تحمله من تصوير ووصف شعري مميز وصح لسانك وعلا شانك مليون ولايكفون تقبل تحياتي

الشعـر مايوصفـك لوانتثـر حبـري على الـورق يا(.....)جفّـت اقلامـه

المشاركة الأصلية كتبت بواسطة خلف العاطفي (المشاركة 340850) فرج الدهمشي صح السانك وقصيده معبره عن نفسها فيها من الجماليات والشعر الكثير مبدع يافرج ونتمنى ان لاتحرمنا ابداعك وجديدك