|
تأبين شمعه
منك اعتذر .. مابقى بك .. شي يغريني=طفّيت .. شمع الغلا .. واغلقت أبوابي غيرت .. رقم الهواتف .. مع عناويني=شلت المحابر .. وأقلامي .. مع إكتابي إللي بها .. كنت أكتب لك .. وتقريني=مشاعري والغلا .. والشووق .. وعتابي والحين .. ماعادلك شي .. إب شراييني=طهرت دمي .. من الرغبات .. واعجابي حتى لو إنك .. تعزيني .. وتغليني=تناقضاتك .. شكوكك .. بعض إسبابي مع السلامه .. فمان الله .. إنسيني=أغراب جينا .. ونرحل عنّك ..أغرابي ماللمواني مراسي لك ترسيني=ونوارس الود .. عنّك ..طارت أسرابي وان إلتقت .. بالصدف .. عينيك .. في عيني=بصد عنّك .. ماكنّا .. يومن أحبابي وذا سمحتي .. بأسمي .. لاتناديني=مري وعدي .. بلا شرهات وعتابي مري وعدي .. وعندي لاتوقفيني=وذا وقفتي .. تغمض عنّك ..أهدابي وتطمني .. مايجي من يمي .. الشيني=حافظ لساني .. ولاني لك .. بمغتابي محدن بيدري .. عن اللي بينك .. وبيني=غلاي , سري .. مايدري فيه أصحابي مع السلامه .. فمان الله ..إبكيني=والله يعينك .. على ألأشواق .. ف إغيابي ومنك أعتذر ..مابقى بك .. شي يغريني=طفّيت .. شمع الغلا ..واغلقت أبوابي |
مشاعر صعبة للغاية
تلتحفها روحك الرائعة وصح لسانك ياعملاق مع اجمل تحية وتقدير |
صح لسانك
مشاعر شاعر جاءت بكل ماهو جميل تحياتي |
الغالي
الشاعر ااااانااااا الله انه يسعدك ويوفقك بجميع الاوقات ولقد اسعدني ان اكون ضمن المصافحين لهذه القصيده الرائعه بروعتك وبما تحمله من شعر من شاعر متمكن له باع طويل بالشعر والابداع وصح لسانك وعلا شانك مليون ولايكفون تقبل تحياتي |
مع السلامه .. فمان الله ..إبكيني=والله يعينك .. على ألأشواق .. ف إغيابي ومنك أعتذر ..مابقى بك .. شي يغريني=طفّيت .. شمع الغلا ..واغلقت أبوابي اي شموخ في الشموع رغم الاحتراق ورغم الانصهار تبقى شامخه واقفه لا تنحني شاعرنا العزيز لا زال عزفك يدندن قلوبنا ولحن الناي يحرك مشاعرنا وطرب الاورق يرقص احاسيسنا لك من الورد اجمله ومن الود اكمله كلاس |
| الساعة الآن 10:45PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية