|
ياعقاب قلي كانك تعرف وشّن
بسم الله الرحمن الرحيم السلام عليكم ورحمة الله وبركاته ’’ امابـعـد اسعد الله مسائكم بالخير والمسرات ويسعدلي اجوائكم رواد رهب الادبيه لغز اضعه بين ايديكم جميعا ’ واتمنى اني اجد الذباح اتمنى اجد من يحله بين ارجاء منتداكم والله يستر من عقاب ياشاعرن بالفكر عمره مدشّن = مايخطي ورمعته ماله ثنيات ياويش مجموعة بناتن تغشّن = متساويات وفي سراهن سويات متحشمات وعمرهن ماتمشّن = واللي يحارشهن جروحه عطيبات ياتيهن المقسوم ومنه يتعشّن = ومن ثم في ظهر امهن امحمولات ياعقاب قلي كانك تعرف وشّن = بنات وابوهن كثير العلاقات وسلامتكم |
عليك آلسـلام ورحمه الله ..
بخاطري آعرف حل لغز إلى من لشاعر محمد الشمري لآهنت :) . |
حياك الله ياعيطموس
منور حبيب البي ولاهنت عالطله وان شاء الله يجون النشاما ويصيدون الجواب والى هالحين ماشفنا ولا رمـعـه وننتظر ونشوف اشكرك على مرورك ولاهنت |
:d << كان ما خاب ضني انهن الضريسات
|
ابوصقر الشمري
الله يسعد اوقاتك بكل خير ياغالي عندي ذا الرمعه لعل وعسى الزقاير ياويش مجموعة بناتـن تغشّـن / طبعاً الزقاير دايم داخل البكت ولاتطلع الا للأستعمال متساويات وفي سراهن سويات / متساويات المقاس وفي نفس البكت مصفوفه على خمس خمس متحشمات وعمرهن ماتمشن / دايم بالبكيت ماعمرهن اطلعن الا لحظة الأستعمال واللي يحارشهن جروحه عطيبات / اللي هو المدخن من المعروف الزقاير مضره بالصحه للمدخن لابد لها اضرار ياتيهن المقسوم ومنه يتعشن / المقسوم المدخنين وعشاهن الضحايا من المدخنين بأسباب التدخين ومن ثم في ظهر امهن محمولات / امهن الطفايه بنات وابوهن كثير العلاقات / ابوهن البكت كثير التداول مع الناس تحياتي |
مهند بن سمران
حياك الله ولاهنت عالمرور يابعدهم ومالك لواء يالغالي __ __ عقاب مرحبابك ياعقاب وحياك الله ولاهنت عالمرور تحليلك وارد ووافي واشكرك حقيقه بس مالك لواء ياعقاب , وننتظر رمعاتك الجايه ترا رمعاتك تهمني ولايهونون الباقيين |
جدتي نايمه ولا كانت بتحله:d
|
هههههههههه
الله يخليها لك ويطول بعمرها اما انا يارسيس الجدود والجدات من الاب والام ’ كلهم مالحقنا عليهم انا مشلكتي دايم ما اجي الا بالوقت الضايع حياك الله ومنوره |
البنات / الرصاص
وامهن / السعفه وابوهن كثير العلاقات / السلاح وأنا الذباح اللي شايل سلاحي |
| الساعة الآن 04:31PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية