(مداهيل الغلا) بصوت فيصل الغايب
|
يامداهيـل الغـلا والجـود وأسـرار المعانـي=أشتعل جمر القصيـد وفـاح ريـح الشاذليـه ماكتبتك من فـراغ ولا قريتـك مـن لسانـي=سافري بي سافري بـي ياللحـون السامريـه بارك الله في وفـاه وبـارك الله فـي زمانـي=الزمان اللي منحني مـن عطـاه أغـلا هديـه في عيونه زود شوق وثـورة أحـلام وأمانـي=وفي خفوقه حس مرهف بّعثر الاحساس فيّـه جيت لاهب النسيم العذب لو ماحـدن دعانـي=أسبق الخطـوه وشوقـي مستهيـم الراعبيـه صوتها قبل أنتبـه (ياهيـه) بالغفلـه خذانـي=والتفت مجنون ليلى؟ ويـن ليلـى العامريـه ساقني مع نبـرة الصـوت وترانيـم الاغانـي=وأحتويته كلمتين . ونبضتين . وصـدق نيـه ساقني عطر الشمال وصوت شيـخٍ مرحبانـي=أعشق التاريخ من شأنه عسـى أيامـه مدّيـه له مع الموعد حضور وله مع الهاجس مكانـي=كل ماشب الغـرام وضاقـت الدنيـا الفضيـه أرتويته مثـل ماهـو فـي معانيـه أحترانـي=أكتبـه صـوتٍ يمثـل ذات والنيـه مطـيـه أن قريتـه ماكتبتـه وأن كتبنـي ماقـرانـي=كن نبـض قلوبنـا خـارج نطـاق الجاذبيـه أذكره في كل لحظـه مانسيتـه لـو نسانـي=له من أشواقي سلام وله من أعماقـي تحيـه دام علمني بوصله كيف ؟ وش يعني التفانـي=له علّي انه يعيـش بخافقـي عيشـه هنيّـه الحبيب اللي عطاني نبـض قلبـه وأحتوانـي=هام بي صوب النجوم وصرت لنجومه ضحيـه يستحق أعطيه قلبـي مثـل ماقلبـه عطانـي=يستحق أعطيه كلي زود مـن فـوق العطيـه هو طموحي في حياتي .. هو بعد عمري حناني=والله أنـه فـي عيونـي ساكـنٍ ذيـه وذيـه مالكٍ روحي وفكـري مامعـه بالقلـب ثانـي=عايشٍ داخل أعروقي ولكثـر أشعـاري هويـه الله اللي لي هـداه .. والله اللـي لـه هدانـي=ماغدى بالحب أنانـي كثـر مابـه نرجسيـه داعبيّه بريحة الشيح الخضر والزعفراني = سولفي له ياذعاذيع الشمال الموسّميه قولي أني مانسيته ساكنٍ حدب المحاني = يرتوي نزف الخفوق ودمعة الفرقا عصيّه ماشربت الصبر لو مالشوق من كأسه سقانـي=شربةٍ تقطع ضماي وتفـرض الموعـد علّيـه وكل شكري للحبيـب وكـل حبـي وأمتنانـي=دامه أعطاني بحبه .. عـن سـواي الاولويـه . . |
ساقني مع نبـرة الصـوت وترانيـم الاغـــــــــانـي=وأحتويته كلمتين . ونبضتين . وصـدق نيـه
ساقني عطر الشمال وصوت شيـخٍ مرحبانـي=أعشق التاريخ من شأنه عسـى أيامـه مدّيـه |
اخي الشاعر / منصور الرويلي بعد التحية والسلام صح لسانك وسلم صوت شايلها اروع من رائعه اعجبني وستقفني نفس الابيات التي انفردة ساقني مع نبـرة الصـوت وترانيـم الاغـــــــــانـي=وأحتويته كلمتين . ونبضتين . وصـدق نيـه ساقني عطر الشمال وصوت شيـخٍ مرحبانـي=أعشق التاريخ من شأنه عسـى أيامـه مدّيـه لك كل الود والاحترام |
الله الله الله الله الله الله الله الله عليـــــــــــــــــــــــــــــك يامنصور والله العظيم ماادري وش اقول والله العظيم مبدع مبدع مبدع صح لسانك ياعنزي علي الحرام انك مبدع تقبل مروري ياخوي اخوك عبدالرحمن الدوسري |
مــارد عـبـقـــر
أشكرك على حضورك تحياتي |
الغالي
الشاعر منصور الرويلي اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الصوتيه الاجمل من جميلة والاروع من رائعة وما تحمله بطياتها من تصوير لمضمون ومعنى جزل وصح لسانك وعلا شانك مليون ولا يكفون تقبل تحياتي |
الساعة الآن 06:43AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية