|
قالت علامك ؟
قالت علامك ؟
قالت علامك جال بالصـدر زفـرات؟ = يالله عساها خيـر يـا بِعْـد حالـي من عقب عصر اليوم والعين حسرات = ورى الفـرح متقـيـدٌ بالغـلالـي قلت الحزن يا بنت عالقلـب شلفـات = يقطـع شرايينـه حـرام وحـلالـي يا بنت انا في ذا الزمن صورة رفـات = من رمح قتـال طعـن مـا يبالـي كني غريـب تايـه وسـط غابـات = لا احد يسلينـي ولا احـد بـدا لـي ما عاد اذوق النوم هيهـات هيهـات =حتى العسل لو حلو ما عـاد حالـي كم كان يطربني من اللحـن نايـات = واليوم لا لحـن ولا العـزف سالـي لا تعجبين ان عفت انا بعض الاوقات = بـن شربتـه ركّـزَتـه الـدلالـي ودي ارتحل يا بنت انا عشـر مـرات = واسابـق ريـاح الزمـن والخِيالـي واطوف حول الارض واعمر حضارات = وابني لقصر مـا بعـد لـه مثالـي قالت توقع حيث دربـك بـه اهـات = واللي ذهن لا بـد مـا انـه يبالـي رب ان شمسك طالعه عقب غيمـات = والا هبـوب النـود يرجـع شمالـي لا تحسبـن الوقـت مابـه ملامـات = غلطان مـن ظنـه خـويٌ موالـي لكن تصبّـر يـوم للصبـر وقفـات =واشرب قراحٍ عـد صافـي الزلالـي واحذر تضايق يوم في الراس شيبات = ذاك الوقار ان كنت سمح الخصالـي واطلب اله الكون لـه محكـم ايـات = عسى الفرج ياتيك مـن رب عالـي قالت وقالت خمس تتبـع بعشـرات = وانا لها اطرب جِعلهـا راس مالـي منطوقهـا فضـه توسـط جنيهـات = يا جعلها لـي دوم يـا جعلهـا لـي يا الله يااللي سبحـت لـك سمـاوات =منشي مزون قـد روت كـل بالـي ترسل سحابه حامله منـك خيـرات = يروى بهـا قلبـي مـن اول وتالـي تسقي قبر مـن راح منـا برحمـات = عسـاه للجنـه بقـصـر عـلالـي قبـر ليـا جيتـه وتنهـل عبـرات = اتذكـر الصاحـب و درع بجـالـي يا الله يااللي سبحـت لـك سمـاوات = منشي مزون قـد روت كـل بالـي ترسل سحابه حامله منـك خيـرات = يروى بهـا قلبـي مـن اول وتالـي وتصير غيث للعـرب لـه علامـات = ينبت منه قفر مـن الـزرع خالـي حتى طيـور الجـو تهنـاه شربـات = لا غـردت يصحـى نبيـه العيالـي لـي حاجـة ربـي بغـفـران زلات = منك العفو والغير ما قد طـرى لـي ويا بنت شكرا لك مع كـل الاوقـات = نوختـي ركابـي وحمـل ثقـالـي يوم اني اطلب خالقي وانسى ما فـات = والله على ما يريـد و حنـا نصالـي فهد بن دماس |
الأخ/ فهد بن دماس
حياك الله في هذا الانضمام اللي اسعدنا .. وياهلا ويامرحبا فيك اخي الكريم . وبالنسبه للقصيده .. صح لسانك والابيات بمجملها رائعه .. لكن فيه ملاحظه بسيطه لاتُذكر إذا سمحتلي وأتمنى أن أكون على خطأ : يوم اني اطلب خالقي وانسى ما فات حسب قرائتي وجدت ثقل في اللفظ . وهذا مااتضحلي من خلال تكراري للشطرين . بإنتظار جديدك .. وياهلا ويامرحبا فيك مره أخرى . تحياتي لك وتقديري . |
صح لسانك اخي العزيز فهد بن دماس وتسلم على القصيدة الجزلة كل الشكر والتقدير لك تقبل تحياتي |
الاخ عبدالكريم اسعدني مرورك بارك الله فيك
بالنسبه للملاحظه فان الثقل الموجود لا يخالف الوزن فالشطر موزون على نفس بحر القصيده شكرا لك مرة اخرى ودمتم لهذا المنتدى الرائع |
الاخ ممدوح
مروركم وتعليقكم زادنا شرفا فشكرا لكم من الاعماق |
[TABLE1="width:95%;background-color:black;border:10px outset burlywood;"] | [/TABLE1]الاخ الشاعر فهد بن دماس تحية ود ومحبه ,,,,,,,, اخي فهد الله يسعد ايامك ولياليك ايها الراائع ومتعك الله با الهناوالعافيه كما امتعت قلوبنا بهذا النص الجميل والحقيقه قصيده تدل ان كاتبها من القامات الشعريه الهامه الف شكر لك و http://www.viafy.com/uploads/cc69455582.gif |
اخي زايد تعيش يالغالي ويعيش
قلمك وقلبك نابضا بكل معاني الود والاخلاص ودمتم لهذا المنتدى نجوما شامخه وشكرا على التعليق الجميل والمشاعر الرائعه |
ودي أرتحل يا بنت أنا عشر مـرات *** وأسابـق ريـاح الزمـن والخِيالـي قصيدة جميلة والله يديمك على العز والطاعة تحياتي باريسي |
الاخ باريسي عشت وعاشت ايامك
تعليق زادنا شرفا ومحبة لهذا المنتدى بمن فيه لا عدمناك اخي وشكرا لك |
[table1="width:95%;"] | [/table1]السلام عليكم ورحمة الله اخوي فهدنا سعدنا بأنضمامك لدينا وتشرفت بقراءة هذه الرائعه لأكثر من مره ولكن فعلاً البيت الأخير بالقصيده فيه خلل بالوزن وخصوصاً الشطر الثاني ( العجز ) يحتاج الى تعديل لأنه ليس يوجد به ثقل بل اكثر من الثقل وربما ذلك من الكتابه عندما كتبته لأن بحر القصيده مسحوب ولايتوافق مع هذا البحر تقبل تحياتي |
| الساعة الآن 12:36PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية