نـاعــس الـرمــش
ياذابل الشفه اللي هرجها خدري=ياناعس الرمش في نظره وسلهامه الخد يزها جماله وجهك البدري = والقد يزها وصوفه فارع القامه ان جيت مقبل تناثر ليلك الغدري=ضافي جديلك على الساقين واقدامه ترمي بسهم العيون وكان ما تدري = قلبي صويبك وهذي طعنة اسهامه الليل بعيونك النجلا حفر قبري =من اول احلام عمري لآخر ايامه الوقت لاشفت زولك مر بي بدري=كن الدقايق توازي ماضي اعوامه الشعر مايوصفك لوانتثر حبري = على الورق يا(.....)جفّت اقلامه لكن عزايه احبك واقبلي عذري=القلب سيف المحبه ناوي اعدامه لومات حبك ياحبي مانزل قدري=اشوم بأسمي وراسي رافع الهامه مايكسر القلب غير البعد ياجبري=ولاينزف الجرح الا غربة اوهامه وشلون ابنسي غرام ٍ نبضه بصدري..؟=ياهاجس البوح والاحساس وهيامه..؟ وياذابل الشفه اللي هرجها خدري=يفداك حرف ٍ رسمتي بصمة ابهامه |
الغالي
الشاعر فرج الدهمشي الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الاجمل من جميله و الاروع من رائعه وما تحمله من تصوير ووصف شعري مميز وصح لسانك وعلا شانك مليون ولايكفون تقبل تحياتي |
فرج الدهمشي
صح السانك وقصيده معبره عن نفسها فيها من الجماليات والشعر الكثير مبدع يافرج ونتمنى ان لاتحرمنا ابداعك وجديدك |
فرج الدهمشي
صح السانكـ اخوي رااائعه كروعتكـ بارك الله عليكـ اخوي دائم ٍ متميز تقبل ودي وعجابي |
آهنئك ع مآصغت من كلمآت رآئعه
بآنتظآر جديدكـ تحيآتي |
صح لسانك يا فرج ولاهنت
رائع كما عهدتك كن بخير يالقرم تحيه و تقدير |
اقتباس:
سفير المعاني صح بدنك تسلم وتدوم لاهنت |
اقتباس:
اعترف يافرج منهو هذا اللي بالفراغ .....:d الله يسعدك ايها العملاق صح لسانك وتحياتي من الاعماق:r: بس |
صح لسانك
ولاهنت تقديري لك |
اقتباس:
الشاعر خلف العاطفي صح بدنك تسلم وتدوم لاهنت كل الشكر لك |
الساعة الآن 04:57PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية