هوى الإيمان
يا بحر القصايد ما سقى ملحك الوجدان=واذا شفتني صديت ما نيب مغرورة تعبت اشكي الطعنة و هي داخل الشريان=كفاني و طعنات المخاليق مشكورة زرعت الوفا واللي حصدته هو الهجران=و الاصحاب معذورة ولا هيب معذورة له العذر من مات و تلحفته الاكفان=ضرى بالوفا لو صار ما هو بمقدوره ما يجرح خفوقك غير من عذره النسيان=وهو وسط بالك طيلة الوقت فالصورة الا كيف ابا القى قلب ما يجزعه خذلان=لو اني حقيقة فيه ما نيب مسرورة و لكن كذا الدنيا تعلـّمك بالمجان=و الارواح منهيّة وراها و مامورة عسى الله يعمر كل روح بـ هوى الايمان=تراها بدون ايمان ماهيب معمورة رهب |
غاليتي الاميره ام نواف حفظها الله اولا الحمد لله على وصولك بالسلامه وكل عام وانتي بخير وثانيا لقد اسعدني وشرفني ان اكون اول المصافحين لهذه القصيده المعبره عن واقع مرير لايعرفه الا من عاشه وبروحك النقيه وايمانك بالله فانتي ممن لهم معرفة بالزمن واثاره السلبيه بالحياة العامه والاجتماعيه كلنا معك وجنبك بالسراء والضراء ويكفينا اننا بجوار من قلبها عامر بالمحبه واخير اقول صح لسانك ودام عزك ورفع قدرك وادامك بخير تقبلي تحياتي |
بَخ بَخ !
شاعرتنا الغالية أسعد الله مسائك ، و صح لسـانك على هذه العذبة.. جزله لله درّك يارهب .. تحياتي وتقديري |
حدالوجع يارهب
مخنوق يارهب ومعك نتنفس الهوى النقي والأنفع لنا له العذر من مـات و تلحفتـه الاكفـان ضرى بالوفا لو صار ما هـو بمقـدوره هنااقف لكي احتراماًوجوزيتي من الله كُل خير عسى الله يعمر كل روح بـهوى الايمان تراها بدون ايمـان ماهيـب معمـورة اللهم امين طبتي رهب وكُل التحايا |
قصيده باذخه صح لسانك
تحيتي لسمو حرفك الراقي |
رهب
الحمد لله على عودتك وسلامتك وشاكرين لك على هذه الشامخه الرائعه كعادتك مبدعه وشاعره صح السانك والله يتمم بعافيته عليك وعلى الجميع |
اقتباس:
فعلا القصيده جزله اسجل اعجابي و دمتي بخير |
لكل أرض سحابة تمر بها ولكل مطر بستان ربيع يزهر به ومعك إعشوشب اليابس وإمتلأت كل المساحات أهلا بألوانك الزاهيه وبريق حروفك الأتية مثل نور إنبثق من صدر السماء معلناً ميلاد يوم جديد رهــــب إرتشفت رحيق الحروف من زهور إحساسك شكرا لكِ ودمتي بود وألف حمداً لله على سلامتك |
يابحر القصايد ماسقى ملحك الوجدان=واذا شفتني صديت ما نيب مغروره .تعبت اشكي الطعنة و هي داخل الشريان=كفاني و طعنات المخاليق مشكوره زرعت الوفا واللي حصدته هو النكران =و الاصحاب معذورة ولا هيب معذوره له العذر من مات و تلحفته الاكفان=ضرى بالوفا لو صار ما هو بمقدوره ما يجرح خفوقك غير من عذره النسيان=وهو وسط بالك طيلة الوقت فالصوره الا كيف ابا القى قلب ما يجزعه خذلان=لو اني حقيقة فيه ما نيب مسروره و لكن كذا الدنيا تعلـّمك بالمجان=و الارواح منهيّة وراها و ماموره عسى الله يعمر كل روح بـ هوى الايمان=تراها بدون ايمان ماهيب معموره للمبدعه / رهب . |
اقتباس:
عسى الله يدر الشعر والشاعر البطران=خليفتة حصان تلعب الشعر وبحوره نعم لوحت احساس من المبدع الفنان= رسم في جفون الوقت مبداه وقصوره ام نواف الحمد لله على السلامه كتبتي فابدعتي تقبلي مروري واعجابي بنصك |
الساعة الآن 06:54AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية