مجلس شايب زمانه
 

اليوم هو الافتتاح الرسمي لمجلس شايب زمانه

ومحضر من الظهر ومجهزه القهوه بجميع اشكالها

ومحضر قدوع من أفخر الأنواع وجالس ينتظر تشريفكم

لحضور حفل الافتتاح ورجاء لااحد يجي ويده فاضيه

يعني كل واحد يجيب له حاجه بيده وهو جاي عشان

ماتخسرون عمكم الشويب خصوصا وان ميزانيته لك عليها.

شب النار يعصمان وازبط الكيف وانت يشاجان أنقز حضر

لنا العشاء وانا عمك اليوم بنعشيهم على شان الافتتاح

والجايات كلٍ يجيب عشاه معه والا كل يوم على واحد المهم تهون..
.
.

يالله انت ربي تحييهم

في مجلس(ن) ماقفل بابه

وعصمان واقف يقهويهم

وشاجان جاب العشاء جابه

مليون ترحيبةٍ فيهم

ترحيبةٍ خوش ترحابه
.
.

تحيه لكم بمناسبة الافتتاح وان شاء الله

تشاركونا فرحتنا وتسمعونا قصايد بالافتتاح

مع تحيات شايب زمانه

جيتك امحضر .. واهنيهم
في مجلس ٍ أنت أولى به
وبالشعر حنا نجاريهم
وبالملعبة حروف تتشابه
الشايب أنت وأنا فيهم
طايش وجيت أتعزوا به

>>>


بـ مجلسك يا سيدي إش فيهم..؟
شاجان والعصمي تهقوا به
مابين أخذ أو أعطيهم
الشعر منهوب ٍ نهابه







طايـــــــــــــــــــــــــــــــــــــش ..!!!

وش جاك..؟ مالك تناديهم
وفي غيبة الشايب أصحابه
طايش زمانه يكفيهم
مخبور ميه من ترابه ..!

يارب بارك لنا فيهم

واحفظ لنا البيت لأحبابه

باسم المحبة نلاقيهم

ومحدٍ لأحد عنده طلابه


عبدالعزيز
و

طايش زمانه

الله يمسيكم بالخير

وشكراً لحضوركم المشرف

دمتم بود ودامت شاعريتكم بهكذا ابداع

واسمحولي ان ادعو صديقي واستاذي شاعر زمانه

ليكتمل الجمال الذي نبحث عنه جميعاً

اخوكم/ شايب زمانه

هلا ومرحبا بشايب زمانه

جيت أنت تزرى بـ .. يناديهم
والحين يا فاضي طلابه

مقفين وينوي يلاقيهم
وإلى أقبلوا تقفي ركابه

وتلميذ شعري يعزيهم
في جية ٍ سينها .. إجابة

تعدل ردودك وتلغيهم
وترجع الحق لأصحابه

الله يمسيكم بالخير

ظروفي غيبتني عن المجلس
وجيت ولقيت مابه احد حتى
العمال هاربين يالله دخيلك
عن اذنكم شوي بروح
اسوي قصيده وجايكم زين ..