" صوت الرجــا "
منيّت نفسي في رجا شهور وسنين=عقب البطا اللي ينتخي بالأمانـي وأنا بعد طول الصبر أعتصر ليـن= تخنقني العبرة وأمـوت بمكانـي تعبت أنا أنطر تلتقي العين بالعين= حتى ولو لمحـة مجـرد ثوانـي يكفي بعاده زوّد الجـرح جرحيـن= شابت عيون ً دمعها كـم يعانـي يدري حبيبي مرقده داخلـي ويـن= أقصا مسافات الضمايـر حوانـي بالرغم أدري مسكنه شبه عاميـن= إلا إني آآحسـه يجـوب بزمانـي بعده دما عرق الطرق والميادييـن= ضاق الفضا في غيبته والمبانـي رهبة خفوقي كنّها طعـن سكّيـن= وقت الفراق اللي أحسّـه كوانـي شطّ البحر حزنه مثل حزني إثنين= هزّه شتـات الباخـرة والموانـي هذي سواحل بحرها فرّقـت بيـن= قلب (ن) تربى داخله قلـب ثانـي صوت الرجا ينعش قلوب المحبين= لامن صدى حسّه يجـر الأغانـي أدري أحس الوقت في ناظري شين= إلا بقـرب اللـي يجـدد كيانـي أكتب قصيدي وأدري القصد بيتين= من كثر شوقي له سردت المعانـي خالي مكانه ينتظر رجعـة الزيـن= محّد قدر يسكن ضلـوع المحانـي اللي يريّح خاطري وينـه الحيـن= ليت السحاب العذب يمّـه خذانـي |
اللـي يريّـح خاطـري ويـنـه الحـيـن *** ليـت السحـاب العـذب يـمّـه خـذانـي الشاعرة نجد الضاوي بعد التحية والسلام قصيده رائعه سلسة المفردات صح منطوقك وصح فكرك اعجبني وصفك بأخر بيت تقبلي مروري ولكم منا كل الود والتقدير,,, تحياتي |
الشاعرة نجد الضاوي
نبض آلماسي برغم مرارة الغياب بين سطوره إلا أنه قبس من نور انحناءة ياسمينة :r: |
الغاليه
الشاعره نجد الضاوي الله انه يسعدك ويوفقك بجميع اوقاتك بكل خير ولقد اسعدني ان اكون ضمن المصافحين لهذه القصيده الاجمل من جميله والاروع من رائعه وصح لسانك وعلا شانك مليون ولايكفون وتقبل تحياتي |
أكتب قصيدي وأدري القصـد بيتيـن من كثر شوقي لـه سـردت المعانـي سردتي لنا أجمل المعاني صح لسانك ياشاعرتنا الغاليه بإنتظار جديدك تحيتي |
نجد الضاوي
بحور الشعر بل الشعر كله يفتخر بحرفك الجميل صح لسانك ولا هنتي ابد مبدعة و جزالتك لا توصف كل التقدير ريف |
قصيده رائعه
صح السانك |
كلك نظر شاعرتنا
وصح لسانك وعلاء شانك قصيده قويه تدل على شاعره متمكنه تحياتي وتقديري |
الشاعره القديره
نجد نص جميل صح لسانك ولاهنتـــــــــــــــــــــــــي ودي |
نجد
صح لسانك كلمات من احساس مرهف قادتنا لقصيدة أقل ما يقال عنها أنها عذبة تحياتي لك |
الساعة الآن 07:20AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية