مدينة مواجع
بسم الله الرحمن الرحيم متواضعه جديده للتواصل علّها تحوز على بعض الاعجاب وترتقي لذائقتكم شفت السما ونجومها فـ آخر الليل =تشبه لروحي والجروح الحزينه شفت البحر لاهاجت امواجه يهيل=يذهل فكر اهل العقول الرزينه وشفت العنا لامن عزفني مواويل =غنت معاه من المواجع مدينه لبست شال احزان وقتي بهاذيل =وشحت علي من السعاده يدينه شفني رثيت ايام عمرٍ مقابيل =ماعاد باقي سر بيني وبينه تنور اكاليلٍ وتذبل اكاليل =حرام موت الورد يامهملينه هبت عواصف وانحرف وادي النيل =عن الورود الذابلات الحزينه قالوله العذال مدري العواذيل =بالمختصر اهل الحسد والضغينه ندفع ضريبة طيبة القلب بالويل =والبير شح بماه ياواردينه صدري تفتق من هوا القال والقيل =وحيلي تردت بالهقاوي سنينه إي قل حيلي لن ماعاد بي حيل=لا حول لا قوه لــ حمل الغبينه تصحي معي تسهر معي بالتعاليل =عبرة حزن مابين قلبي وبينه وسلامتكم عذب التحايا للجميع |
ندفع ضريبة طيبة القلـب بالويـل
والبيـر شـح بمـاه ياوارديـنـه يعطيك العافيه .. وصح لسانك |
شيم نجد صح بدنك وكل الشكر والتقدير لمرورك العاطر تحياتي لك |
شفت السماء ونجومها فآخر الليل
تشبه لروحي والجروح الحزينه مطلع اكثر من رائع صح لسانك تحياتي لك ودمتي بخير |
العنود الشيباني
صح بوحك ولاهنتي تحياتي.. |
الغاليه
الشاعره العنود الشيباني الله انه يسعدك ويوفقك لما فيه الخير اسعدني مروري على متصفحك ومصافحة قصيدتك اللتي تعج بالشعر وتصوير الحاله انتي شاعره متمكنه تصوغ الحروف بالذهب صح لسانك وعلا شانك مليون ولا يكفون تقبلي تحياتي |
عزيزتي العنود انتي شاعرة لها رونقاها الخاص وبصمتها المميزه قصيده هي لؤلؤه من عقد قصائدك لك تحياتي اخوكم مارد عبقر |
العنود الشيباني
رائعه اينما حللتي نص اكثر من رائع .. وشاعره تستحق المتابعه مودتي |
اعجبتني اللغه الشعريه الخاصه في ابياتك تقبلي مروري واعجابي بالنص ندفع ضريبة طيبة القلـب بالويـل والبيـر شـح بمـاه ياوارديـنـه إي قل حيلي لن ماعاد بـي حيـل لا حول لا قـوه لـحمـل الغبينـه |
أخوي الغناوي صح بدنك وكل الشكر والتقدير لمرورك الفاخر بمتواضعتي تحياتي لك |
الساعة الآن 01:15PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية