|
مصافحه اولى [ بـدري ! ]
‘ السلام عليكم ورحمة الله وبركاته سعيد جداً بتواجدي بينكم وهذهِ مصافحه اولى لهذا الكرنفال الجميل وإمنياتي بنيل إستحسانكم جميعاً ماهو بقصدي أزعِلك وإنت تدري = ولاهو بقصدي ياغنا الروح أجفيك ! لكن / تكاثرت الخطأ منك يِحري ! = يا مسبب لقلبي عنا وين اوديك ؟ لا صرت أغلى من على البال يطري ! = وتجرح خفوق اللي يحبك ويغليك ؟ تبقى مصيبه جد والجرح [ بدري !] = وإنت اعلم بقدرك ولاحدٍ يساويك والبارحه / شخصي وحزني وشِعري = نتسامر همومٍ تراكم ونبكيك ! هـ / الدمع ! ليه الدمع وش فيه يجري ؟ = يعني نزل بسباب فعلك بـَـ / ياديك ؟ والاّ لأن مافيه ناسٍ / بكثري = تعيش هم / وتنتمي للمهاليك ؟ والاّ لأّني من بدايات صغري = أصيح / كافي يازماني بلاويك ! ؟ شفني ذبلت من التعب وإنت مدري = وش فيك تجرح قلب منهو يداريك ! تبيني اردد كلام المهذري ! = [ إنت والزمن ضدي ] وأنا ميتٍ فيك ؟ كافي دخيلك ما رائيته بعمري ! = إرفق علي لا اطيح واموت بيديك ! بعده وش اللي تستفيده بقبري ؟ = يومك ذبحت إنسان بـ الأصل هاويك ! محبكم / فلاح الغازي |
هـ/ الدمع ! ليه الدمع وش فيه يجري ؟ يعني نزل بسباب فعلـك بَـ/ ياديـك ؟ والاّ لأن مافـيـه نــاسٍ / بكـثـري تعيـش هـم / وتنتمـي للمهالـيـك ؟ والاّ لأّنـي مـن بـدايـات صـغـري أصيح / كافـي يازمانـي بلاويـك ! ؟ شفني ذبلت من التعـب وإنـت مـدري وش فيك تجرح قلب منهـو يداريـك ! تبيـنـي اردد كــلام الـمـهـذري ! [ إنت والزمن ضدي ] وأنا ميتٍ فيـك ؟ كافـي دخيلـك مـا رائيتـه بعمـري ! إرفق علي لا اطيـح وامـوت بيديـك ! بعـده وش اللـي تستفيـده بقبـري ؟ يومك ذبحت إنسان بـالأصل هاويـك ! صح لسانك وعلى شأنك الشاعرالقدير فلاح الغازي قصيده فيها من العذوبه والشجن الشي الكثير دام نبضك وابداع قلمك لاهنت ولاتحرمنا قادمك ننتظره بشوق الف شكرلشخصك الكريم وفقك الله ورعاك دمت لنا بخير |
كالمطر هذه القصيده / أروت العطش !!
فلاح الغازي / ماطر أنت وشعرك .. حللت أهلاً ووطأت سهلاً . |
الغالي الشاعر فلاح الغازي الله يسعدك بجميع اوقاتك بالخير اهلا وسهلا بك وبمصافحتك الاولى بهذه القصيده الشامخه بما تحتويه قصيده رائعه بمعانيها وبسلاسة اسلوبها قصيده ولا اجمل واروع فانت شاعر متمكن ورائع وجزل وصح لسانك وعلا شانك يالغالي وتقبل تحياتي |
الشاعر / فلاح الغازي
قصيده رائعه بمعنى الكلمه .. صح لسانك .. كفيت ووفيت . حضور ملفت ورائع . وشوقتنا لـ جديدك . تحياتي وتقديري . |
الاستاذ فلاح الغازي حياك الله وصح لسانك قصيده عذبه متماسكه فى بناءها مترابطه بتسلسلها ابدعت وصح الله لسانك مليون لدى استفسار استاذ فلاح عن الكلمه الاخيره بالشطر الثاني من البيت الاول ماهو بقصـدي أزعِلـك وإنـت تـدري ولاهو بقصدي ياغنا الـروح أجفيـك هل هي( اجافيك) وغلط مطبعي او كما هى؟ شكرا لك استاذ فلاح تحياتي لك |
فلاح الغازي صح لسانك فقد ابدعت وامتعت خالص تقديري |
| الساعة الآن 09:30PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية