(( السحــــابه ))
انتظرنا والسحابه مامطرت=دايماً برّاقها عنّا شمال والمرابع من زمنها غبّرت=والحلال من الظماء صابه جفال الحويّر جاع وامه ماصْرت=والوسيمه عودت تالي غفال والديار اللي قريبٍ خضّرت=وانبتت ريضانها عقب المحال علّها الوسمي عقب ما زهّرت=مرتينٍ لين عجّ القاع زال والبحور اللي من الغرب هدْرت =لين صار الموج من فوق الجبال وانجلت سود الليالي وادبرت= وطلعت شمس الضحى عقب الزوال والسفينه بالمحاصيل عبرت=حمْلها غبرة وجيه وشين فال عبرة لاهل العقول وفجّرت=صمت مرّت في تفاصيله ليال نرجي الغيمه عساها لامطرت= نرتوي منها ويروى كل جال |
نرجي الغيمـه عساهـا لامطـرت نرتوي منها ويـروى كـل جـال أمنيات قد تزهر في فصل الربيع وقد تطير مع رياح الشمال ... الله كريم شاعرنا عاسف المهار أبدعت في الصياغة والمعنى صح بوحك |
صح ألسانك
عساف المهار دمت بخير |
لله درّك ..
لابد أن هذه القصيدة لم يمضِ على كتابتها ثلاثةُ أيام ! صدقت وأجدت الكتابه بلا زيفٍ ولا تكليف عاسف الكايده .. صح لسانك ولاهان منطوقك . لك أجمل تحيّه . |
صح لسانك
ولاهنت على هذه الرائعه تقديري لك |
عاسف المهار/
كيف حالك في هذا الزمان الكل يخاف من السحب والمزن وقد تكون رحمه انهاماامطرت مع العلم اننا في اشهر ربيع لكنها ممحله تذري سوافيها قصيده كل معانيه واضحه كرابعة النهار ووودي |
الغالي
الشاعر عاسف المهار اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الرائعه بسبكها ومعانيها لاهنت وصح لسانك وعلا شانك مليون ولا يكفون وتقبل تحياتي |
اقتباس:
زمان العجايب الله يكون بالعون اسعدني مرورك وحضورك الراقي لاهنتي على المرور تقبلي تحياتي |
اقتباس:
اخوي متعب صح الله بدنك يالغالي ولاهنت ولاهان حضورك الكريم شكرا لك على مرورك العطر تقبل تحياتي |
اقتباس:
جمرة العرب صح الله بدنك ولاهنتي على حضورك الكريم وتشريفك لمتصفحي المتواضع لك كل الشكر والتقدير تقبلي تحياتي |
الساعة الآن 07:42PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية