مساعد الرشيدي ( الليل الادلـم )
. . تفهق الليل الادلم والهوى ساكن=وانا هنا ياسبب همي وتسهيدي
في خايعٍ من نفيض الوسم متماكن=نبته يليق بتمدري نافل الجيدي متموج بين عشبي وأخضر داكن=ومعطرمن نسايم جرهد البيدي يامدلهات الحشا مدري وش ألهاكن=أونس بصدري مثل فوح البغاديدي هيلن علي من رذاذ الحلم يفداكن=وجه قصر عن حياه وقلب رعديدي يجلي غثا الكبد يوم أشتف من ماكن=شف الشهد بين أشافي ترفة الغيدي واللي جمعكن بوسط الصدر وانشاكن=إني لاحطب رعدكن من تناهيدي هذي علومي وستر الله وعفاكن=لحقن مصاديري العطشا مواريدي وإلا هبوبي رفيعة شان شرواكن=النقص ينقص عن الحروة وانا ازيدي هيضني الضلع في كبد الثرى ماكن=وان حدك الضيم قل للضلع ياسيدي واركيت ظهري على ضلع الجبل لكن=ماجت مواعيد ظله مع مواعيدي مساعد الرشيدي . |
رياض الهديرس
قصيده مميزه لشاعر مميز من رياض مميز في الاختيار يعطيك الف عافيه تحياتي,, |
رائع بأختيارك والسهل الممتنع مساعد الرشيدي صح منقولك الرااقي : : |
الساعة الآن 02:16PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية