السلام عليكم ورحمة الله وبركاته



أقيمت مساء الخميس الماضي أمسية شعريه ضمن فعاليات مهرجان حائل السياحي 1430 تحت شعار


( صيفنا يحلى بضيفنا )


و كان فرسان الأمسية الشاعر غازي البستان و الشاعر سعيد العمودي و الشاعر مقبل


الفهد حيث كانت امسية رائعة جدا وحظرها جمهور جميل ورائع تفاعل مع شعرائنا الاعزاء


و أدار الأمسية الأعلامي الأستاذ فهاد الشيحي


وفي نهاية الأمسية تم تكريم الشعراء بدروع تذكارية من الأستاذ سالم السالم


مدير العلاقات العامة ببريد منطقة حائل و نائب رئيس مجلس أدارة موقع ساحات حائل الأكتروني


يذكر أن جميع الفعاليات الشعرية تقام بمركز الأمير سلطان الحضاري على طريق الملك فهد الغربي


و بتنظيم و أشراف من موقع ساحات حائل الأكتروني بقيادة الأستاذ ظاهر الأسلمي







http://thumbs.bc.jncdn.com/af063a4fd...bec6207_lm.jpg


http://thumbs.bc.jncdn.com/611ab8898...a0c1414_lm.jpg


http://thumbs.bc.jncdn.com/649fbc4e2...d151579_lm.jpg


http://thumbs.bc.jncdn.com/fc8c711cd...075db16_lm.jpg


http://thumbs.bc.jncdn.com/cdd3665c1...8a54f12_lm.jpg


http://thumbs.bc.jncdn.com/fe22c5275...6d96673_lm.jpg



الامسية بدأت عند العاشره مساء فقدم عريف الامسية الاستاذ فهاد الشيحي الشاعر غازي البستان فكان لقاء البستان بالحائليين حميما حيث قال انه لم يأتي الا لحائل ولاهل حائل عبر هذه الامسية .ثم انطلق بأولى القصائد التي تحدث بها عن حائل وامير حائل فقال :





صـدورنـا مـنـزوعـة الفـتـايـل إلا لـيـا مــن قِـضَّـن الجـدايـل




(أبـت أجــا أن لا تسـلـم جــاره بأكـنـاف حايل)ياإبـعـدي ياحـايـل




بأبـوي و أمـي أنتـي وكـم إنـتـي حبـك مـسـويَّ فيـنـي الهـوايـل




على النقـى ياحايـل ولـك نرخـص عمـارنـا يـازهــرة الخـمـايـل




المسـك و الكافـور ريـح تـرابـك عِطـر الشمـال وعَطـرة الشمـايـل




ومنهـو تعـزوى فيـك يبـشـر والله بْـعِــزَّه ونـجــرّد الصـقـايـل




بِحمى هل التوحيـد و(أخـوة نـوره) وأهـل الفعايـل والعـقـال المـايـل




هـل السخـى والمرجـلـه والعـفـه (هــل العوجا)لاطمـيـن الـعـايـل




آسـاد نـجـد ٍ والحـجـاز وســادة الأمـتـيـن وقـــادة الفـصـايـل




العُـرب والإسـلام مـن حشمتـهـم تِحـشَـم و يحشَـمـون ٍ القـبـايـل




كـم ناصـروا وزبّـنـوا و آعـانـو اوسـاعـدوا وشــدوا الـرحـايـل




يـا الله تـعـز بـلادنـا وتصـونـه آآآميـن يمجيـب الـدعـاء للسـائـل




والـــراس وبـــلادي حِـــرّه (سعـودي)الأوطـان والخـصـايـل




ويـا الله يامـن لا تـعـد وتحـصـى فضايـلـك يـاراعـي الفـضـايـل




بإسمك ومنهـو مـا تحيـزم بإسمـك تكثـر عليـك مـن الدهـر دحـايـل




رحمـاك لا ملجـأ ولامـن مـهـرب إلا إلـيـك وفـزعـتـك نـخـايـل




ألـوذ بـك و أعـوذ بـك و أجيـرك مـن الفـتـن يامنـشـي المخـايـل




ويا مجـري السحايـب مـن المنشـا ومـسـقـي ٍ عـــدوك النـكـايـل




سبحانـك و كلتـا يـديـك اليمـنـى غفـار ذنـب و معـطـي الجـزايـل




أزبـن عليـك و أحتمـي بركـونـك لازمجـرت مـن كـل حـدب يهايـل




يا(( قصر أجا ))كيف إنت يا قصر العز عسى(الأديرع)دايـم وهــو سـايـل




كيـف إنـت يـا متشمـرخ ٍ بالعالـي يـا أخ العـلا وراعــي الجمـايـل




كيـف إنـت يـا ذرى اليتيـم وملجـا المهـلـكـيـن ورادم الـهـمـايـل




كيف إنت يا عـز اللـذي يزبـن بـك مـن الـوزى والـعـوز والـرزايـل




كيف إنـت يـا اللـي يستظـل بظلـك مـن جـاك يشكـي لاهـب القوايـل




كيف إنت يـا مْكيـل الفقيـر وكاسـي العـجـز والشيـبـان والـعـوايـل




يهديـب شـام المثـقـلات حمـولـه بلـيـهـي وشـيّــال ٍ الـثـقـايـل




يـا أخ الأرامـل والعضيـد وكـافـل المتربـيـن و كـاســب النـفـايـل




كـم شـارب ٍ دسّمتـه وكـم لحـيـه كرّمتـهـا يـازاكــي الـسـلايـل




إنـت العريـن و يكمـن بأحشـائـك شبـل الشـرى نضـايـل الأوايــل




فـرز الوغـى نطّـاح وجـه الغـاره عـوق الغريـم ليـا أعيَـت المسايـل




الجـازر البـتـع العـديـم الـنـادر خطـل اليميـن ومـركـي الدبـايـل




والقيـدم الصعـل الصليـل الساطـي عيهـور ربعـه حــزة الصمـايـل




هذا الأميـر :سعـود عبـد المحسـن عيـن الحـيـاة ومنـبـع الـزلايـل




مـن لـه لـيـا تلولـسـن حبـالـه غـيـره لـيـا تتـالـت الـجـلايـل




أصبـح أميـر قلوبنـا مـن سـاعـة ماصـار أميـر ٍ فـي إمـارة حايـل




همومـنـا مــن يــوم ماشرفـنـا زالـت و أغلينـاه والـشـر زايــل




وصـدورنـا منـزوعـة الفـتـايـل إلا لـيـا مــن قِـضَّـن الجـدايـل




(أبـت أجــا أن لا تسـلـم جــاره بأكـنـاف حايل)ياإبـعـدي ياحـايـل






ثم جاء دور الشاعر سعيد العمودي الذي كتب عن حائل ايضا وكذلك الشاعر مقبل الفهد الذي اجاد في قصيدته فقدم عدة قصايد ومنها
هموم واحزان
ونجل العيون
وسيف الزمان
ورحلة الهجران
وبياع ذمة


فاخترنا ان نقدم لكم هذه القصيدة في حايل







الصيف جانا وابتدت رحلة الصيف وكلٍ علـى ماقيـل دور مصيفـه




ياما جمع بين القلـوب المواليـف وياما فرق بين الوليـف ووليفـه




احدٍ يصيف بين باريـس وجنيـف واحدٍ يحكمنه ظـروف الوظيفـه




وانا مصيف بالجبـال المشاريـف في ديرةٍ نسمـة هواهـا لطيفـه




حائل سقاها الله بوبـل المقانيـف مـن مدلهـمٍ مايونـي رفيـفـه




الديرة اللي تكرم الجار والضيـف من عهد حاتم والسنيـن القصيفـه




سكانهـا مايحسبـون التكالـيـف اهل الكرم واهل النفوس العفيفـه




واليوم راية كلمة الحق والسيـف بظلالهـا كـل النواحـي مريفـه




عذوا جوانبها عن اللوم والحيـف اخوان نورة بالسيـوف الرهيفـه




وحائل بظل سعود فوق التواصيف مصيونـة مثـل الفتـاة الشريفـه




وياللي مصيف بين باريس وجنيف جرب جبل حائل وجرب مصيفـه






ليتناوب الشعراء على تقديم القصائد التي كسبو من خلالها قلوب الجماهير قبل هتافاتهم

وقدم العمودي قصائد رائعة منها

حائل
الحلم
طعنت قريب
حرب البسوس
حبيبي شعوري
ضوء القمر


ونقدم من قصائد العمودي :







ياهيـه لوبررتلـي كـل الاعــذار يبقى لـي الواقـع يقـول الحقيقـه




والصيت يبقى والفنا حـظ الاعمـار والوقـت يغرينـا ويجـذب بريقـه




اصغي وانا باقولك والخطـا صـار والعذر مـادواى الجـروح العميقـه




طعنت قريب جاوز حدود الاسـرار وحطـم تماثيـل العهـود الوثيـقـه




ولاهي توافق راي في حكم الافكـار الاعلـى ماقيـل نــار وحريـقـه




وانا على الطاروق في وجه الاعصار لحظـه يغيبنـا ولحـظـه نفيـقـه




ابحتريه ان حرك الريـح الاشجـار واعاتبـه مثـل الصديـق لصديقـه




واليا انتصف ليل العنا عفت الاشوار وحملت نفسـي فـوق مالاتطيقـه




قلت احملو نص الخبر ضمن الاخبار للشاعـر اللـي مايبـور برفيـقـه







و هذه قصيده نجل العيون للشاعر مقبل الفهد :








كل مالـدّت عيونـي بالقمـر ليلـة تمامـه ماتذكر غيـر خـدك والمسافـات البعيـده




بس ربـي يـوم ميـز ميـزك بالابتسامـه كل ماشفتك تبسم عشـت لحظـاتِِِ ِ جديـده




ميزتك نجل العيون وميزتـك بالخـد شامـه وميزتك لاشافك المغرم دخلت القلب سيـده




من نظرته ماكُتب له من سهم عينك سلامـه عاش طول العمر حبك جاري ِ ِ داخل وريده




هايمِ ِ قلبـي بحبـك ويتباهـا فـي هيامـه لان لك طبعِ ِ فريد وتملك اوصافِ ِ فريـده




جامعٍ حلو الطباع وحامـلٍ تـاج الوسامـه كل ماجيت اكتب اسمك جاز لي نظم القصيده




انت حلم المبتلى واجمل ثواني في غرامـه انت ذنب وانت رحمه ياحزن قلبـي وعيـده




اتصور فيك عمري وارسمه يومـه وعامـه وكل ماآصل للنهايه اشطبه وارجع واعيـده




الله انه يغني النفس بحلالـه عـن حرامـه ويدركك حض المحب ويقضي ايامه سعيـده







ومن قصائد البستان :






(( مــزهــــريـــــــــه ))







للقلـب باب000وللمفاتيـح أصحاب حـق ومقدريـه




الصدر شيّـال المصابيـح والـروح حمّالـة أسيـه




وللأقرباء طعنات تجريـح ماتشبـه طعـون البقـيـه




تباً لهـذا الحـزن يافريـح وتبـا ً لهـذي المسرحيـه




وتبا ً لمن خلانـي آطيـح وتبـا لمـن خـلاّ خويـه




مانحني الهامـات للريـح ولانـبـيـع الشـمـريـه




خلف المحاني يكمن الشيح وشمستـيـن ومزهـريـه




ورزق ٍ ورى دمع التماسيح نفوسنـا عـنـه غنـيـه




مسقينـن إعدانـا ذرانيـح لطّامـة خشـوم السريـه




وليا فزعنا نجلـي الويـح فزعـة طنايـا جرهديـه




نبطش بعيِّيـل الزحازيـح بطـش ٍ بليـا مرحمـيـه




هل المكارم وآهل السيـح وأهل المواقـف والحميـه




وبنن يفوح وسمن ٍ يسيـح وعلى هلا و يـا الله حيـه




ومنهو زبنا عنـه الزيـل الضيـم ونحـل القضيـه




ومن ضيق آيادينا بتسريـحل أيــادي الله الفضـيـه




النـزف مايحتـاج تنقيـح مثـل شمـس ضحـويـه




يحتاج للأوضاع تصحيـح يامصلح أحـوال الرعيـه




أفكارنـا بـلا تصـاريـح وأقلامنـا بــلا هـويـه




قلبي ولو عن مابـه يبيـح ماذاق أحـد لقمـه هنيـه




ماغير أنا وإهو المجاريـح وطعوننـا ماهـي خفيّـه




بعيوننـا شرهـه وتلميـح وصدورنـا ماهـي خليّـه




مايـوم عيّدنـا مفـاريـح لاعيدفِطـر ولاضحـيـه




قلبي وأطيح يقوم ويطيـح شيّـال هَـم وهُـم أذيـه




شالـرّاي ياهبابـة الريـح يأهـل النقـى والمقدريـه





غازي البستان





ليعلن بعد ذلك عريف الامسية فهاد الشيحي انتهاء الوقت متمنيا للحضور امتع الاوقات واجملها مع صيف حائل وفقراته .



اليوم الجمعه سوف تقام امسية شعريه للشاعرين هادي الجنفاوي ومنصور الجلعود في نفس الموعد والمكان









http://thumbs.bc.jncdn.com/840b09b58...bede139_lm.jpg



http://thumbs.bc.jncdn.com/4870ebb1b...59a8a79_lm.jpg



http://thumbs.bc.jncdn.com/d1fe6cf25...fd01c02_lm.jpg




http://thumbs.bc.jncdn.com/fc87e21aa...3267a64_lm.jpg



http://thumbs.bc.jncdn.com/b351a1362...50c6493_lm.jpg


http://thumbs.bc.jncdn.com/b96b29f08...136b934_lm.jpg
http://thumbs.bc.jncdn.com/ebde53b12...6fb10b5_lm.jpg


http://thumbs.bc.jncdn.com/55025ddbd...fb0ca60_lm.jpg


http://thumbs.bc.jncdn.com/a8202995c...1ae9234_lm.jpg
http://thumbs.bc.jncdn.com/5e7840804...55415cb_lm.jpg


http://thumbs.bc.jncdn.com/840b09b58...bede139_lm.jpg


http://thumbs.bc.jncdn.com/684ee4d08...48acfcd_lm.jpg


وآفـــــر آلــسعآده لـ / أروآحــكم ..:e: