ياصاحبي كم قلت ضاقت وضاقت = واربع جهات الكون ضاقت بالآفاق
والياصحت من نومها واستفاقت = ياشين وجهك ياالزمن قبل الأشراق
نصف القطر بالأرض يوم(ن) تلاقت = والنصف الآخر محرق(ن) كل الأوراق
ونصف العمر مبيوق والناس باقت = كم واحد(ن) يسرق من الناس خفاق
كم مرت (ن) عدت ومرت وفاقت = طاحت ولاادري وين طاحت باالأعماق
كسرة نجم من دمعة العين واقت = ويل الرصد لاطاح من جمر الأحداق
بااقصى محيط الهم تكة وراقت = في منجم سنين الأسى تحت الأنفاق
عكز على رجل القلم لين عاقت = واللي رجع مشلول ماحرك الساق
ومن بارق المنشا زمى الغيم ساقت = بيت السحاب اللي بنا ظله رواق
ياصاحبي كم قلت ضاقت وضاقت = وهانت علي سبحان قسام الأرزاق

عويد العنزي



صح الله لسانك



ابدعت قصيده رائعه كله




ولكن راق لي البيت كثيرررا

::

ياصاحبي كم قلت ضاقـت وضاقـت
وهانت علي سبحـان قسـام الأرزاق







تحياتي لك

والياصحت من نومهـا واستفاقـت
ياشين وجهك ياالزمن قبل الأشـراق

مختلف جدا ً


صح لسانك

تحياتي

واربع جهات الكون ضاقت بالآفـاق =
ياشين وجهك ياالزمن قبل الأشـراق =
والنصف الآخر محرق(ن) كل الأوراق =
كم واحد(ن) يسرق من الناس خفاق=
طاحت ولاادري وين طاحت باالأعماق =
ويل الرصد لاطاح من جمر الأحـداق =
في منجم سنين الأسى تحت الأنفـاق =
واللي رجع مشلول ماحـرك السـاق =
بيت السحاب اللي بنـا ظلـه رواق=
وهانت علي سبحـان قسـام الأرزاق =