(( يا ... الــشــرعــبـــي ))
(( يا ... الــشــرعــبـــي ))
نصّ متواضع أكلــّــلـه لمن كان أهلا له فعلا فهو المثير قدح زناد فكرته بجليل جمائله الإستاذ الشيخ : عبد الرحمن بن معجون أبا ذراع _ أبا فيصل أطال الله في عمره و أدامه
نعمين في شارب (أبا ذراع)=له باب قلب بلا مصاريع يعني:مشرَّع بيت وشراع=شاعر وله مشعـَـر و تشريع الحيد(أخوسلمى)لناشاع=صيته ولولاالفعل ماشيع كنه(أخوطويسه)ليافاع=(جازع)ونعم بكل صعصيع (ياراعي الحردا)وفزاع=من دون جارات ٍ مفاريع قالن بوجه الحِرد يـ إسباع=وتناخوا(إعريمي)بتفريع وشـَـبـعـَـت بشذرة كل نزاع=ضواري البيد المقاطيع إما كذا و إلا فلا داع=نمدح قليلين المنافيع ماكل من تحيزم(قناع)=زحزيح رماي المداريع يا(عابد الرحمن ٍ )وراع=الفزعه بلا فرك أصابيع ياكن بك زود وترفاع=على النوايب والمفاجيع وأنا ولاني سلعة رعاع=فـ إيدين نخـّـاسة هل الريع (كريم سبلا)جـَد و أطباع=مبطي مهو من خمس أسابيع وهاماتنا ماتنزل القاع=دام إن به مثلك مشافيع جاء للصدور فجوج ٍ وساع=عقب الضـِّـيَـق ربع ومرابيع يالشرعبي والحق لاضاع=وناموا عيالي مجاويع ودلـَـت تدال لكل نطـّـاع=عتلّ إبن زنيم أساجيع وإعطى الوضيع زمام الأوضاع=ضعنا وضاعنّ المواضيع الدلبحه إخت التخنــّاع=ولاني من عيال المخانيع قالوا شميمي ٍّ و شعشاع=قرناس من ماكر مباتيع حـَـجن المخالب وأخطل ذراع=باتع ويخسون المتابيع ملزى وزى عوز ٍ وهيلاع=محزم لِـزم بلسم مواجيع فأنا بوجهك يا (أباذراع)=عن كل تدليس ٍ وتشنيع أخوك / غازي بن بستان بن غازي الأسلمي الشمري |
اقتباس:
مفرداات ناادرة وقصيدة جزلة حد الجزالة ابدعت اخوي غازي تقبل تحياتي عبدالله بن عريمة |
غازي .. صح كلك رااااااااااااائع ما تكتبه وتضعه وتنقله لنا يسعدني ويشرفني دائماا المرور من متصفحك .. وافر التحايا رهب |
أستاذي عبد الله بن عريمه
تسلم و تسلم مسامعك و يسلم ذوووقك يا النادر و يا الجزل والله ونعم وكفو لاهنت |
أختنا الغالية العالية الشأن والقــَــدر / ر هــــــــــب
مرورك شرف لنا نحن أخوانك وعسى الله يجعلنا من اللي يبيظون وجه أخوانهم وخواتهم لاهنتي يا أم نواف عساك ذخر |
يستاهل
وصح لساااااااانك كفيت ووفيت لاهنت تحياتي لك |
ونعم بالمادح والممدوح والطيب ليس بمستغرب من هل الطيب بيض الله وجهك يالشمري ولو لم ينهنا الرسول عن التفاخر بالانساب لقلت يكفيك فخر انك شمري
|
.
جميـل بحضورك ياغازي.. سررت بتواجدي هنا وقراءة ما تقطفه لنا من بساتينك.. . دمت بخير |
الاستاذ /غازي
ابو نايف فعلا قرانا وتفاخرنا وطاشت الرؤس وكبرت الهمم واستثارة الجزالة وكسبنا التحدي بجوادنا الفائز ...............هنا لنا الحق بان نقول ابا نايف كفيت ووفيت وابو فيصل يستاهل ويستاهل المدح ولاعدمناك ايها اليراع الممطر بالابداع دائما تحياتي لك |
حَجن المخالب وأخطـل ذراع=باتـع ويخـسـون المتابـيـع ملزى وزى عـوز ٍ وهيـلاع=محـزم لِـزم بلسـم مواجيـع كفيت ووفيت وابو فيصل يستاهل ويستاهل المدح ولاعدمناك تحياتي |
الساعة الآن 07:57AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية