منافسـات شاعر وشاعره..
أهلين وسهلين شبـاب وشـابات وش أخباركـم ؟ ان شا الله بخير .. ؟ حبيت اطرح عليكم هالفكره... اللي عنده موهبه شعرية ومستعد يشارك ترد الله يعافيكم .. ؟ (المسابقة مثلا كل يومين نحط موضوع معين سهل وبسيط وكل مشاركة تكتب بيتين من عندها ( 3 مواضيع فقط ) وهكذا الى نهاية المسابقة نشوف أفضل الابيات في جميع المواضيع وتكون الفايزه بلقب ( شاعر http://forum.hawaaworld.com/images/smilies/king.gif المنتدى ) .. وشاعرة المنتدى أبغى منكم تفاعل http://forum.hawaaworld.com/images/smilies/7_5_127.gif ما ابغى برود http://forum.hawaaworld.com/images/smilies1/smile53.gif .. واذا فيه أحد موهوب يقدر يدخل تقيم الله يحييه يتفضل . هاه بنات وشرايكم ؟؟ أي ملاحظة أو تعديل تتفضل تقترح علي ابرك http://forum.hawaaworld.com/images/smilies1/smile59.gif ولكم الف شكر... رهب . |
فكره جميلة ويبيلها اهتمام ومتابعة
ولو اني افضل ان تكون المشاركه الاولى بين الاعضاء بقصيده جماعية. يقوم جميع الاعضاء بالاشتراك بها بحيث يكون كل شاعر او شاعره بكتابة بيت ويختار العضو اللي يكمل البيت بعده فمثلاً انا قلت بيت اطلب من رهب تقول البيت الثاني ورهب تطلب اللي هي تشوفه مناسب للبيت الذي يليه وهكذا الى ان تكتمل القصيده من عشر الى خمس طعش بيت يكون اسمها قصيدة وعدك متى الاولى.. ومن ثم متابعة الفكره السابقه // وجهة نظر والسلام وكل عام والجميع بسلامه |
فكرة جميله
بس مو شرط يكون موضوع .. مثلا" يكون مره موضوع ومره صووره ونوصفها.. ننتظر صافرة البدايه |
اي عشتـوا اخواني انا معكم معكم .. نبي لجنه تقييم واللي تشوفونه يتم ... توكلنا على الله يبدا احد فيكم الفكرهـ ببيت قصيده لوعدك متى بالأول ونكمل ..؟ تحياتي لكم اخواني.... |
وعدك تاخرصاحبي وانا انتظر عذرك معك ياصاحبي وانا انتظر اكملوا البيت لست بشاعره ولكن طلع معاي هالبيت |
_________________ البـدايـه وعـــدك متى وين انت وين انت وين انت ياللي مواعـــــــيدك هـــباء وانثرتنــــي. ياسيدي بان الالـــــــم وانت ما بنــت متنــي مثل ما اموت بك حييل متني. نكمل اخونــي الشعراء..؟ |
_________________ البـدايـه
اقتباس:
. متى اشوفك ويهنا البال لاهنت وترتاح عين(ن) من بعدك اسهرتني تحياتي |
_________________ البـدايـه اقتباس: وعـــدك متى وين انت وين انت وين انت ياللي مواعـــــــيدك هـــباء وانثرتنــــي. ياسيدي بان الالـــــــم وانت ما بنــت متنــي مثل ما اموت بك حييل متني. نكمل اخونــي الشعراء..؟ صح لسانك وتسلمين على هذه البداية الروعه والموفقه . متى اشوفك ويهنا البال لاهنت وترتاح عين(ن) من بعدك اسهرتني فكره حلوه تسلمون اخواني . رهب و خلف الشلهوب انت الوحيد اللي على خافقي منت وفرقاك نار(ن) بالفواد أحرقتني |
تلـــين صــم اجبالها بس مالـنت لامـرت النسمه علي ذكرتنــي قولوله انــي من بحوره تمكنت سبحتــها بأ دراك مـاغرقتنــي والشعر ابوي وتاج راسي وانا بنت ان مارفــعت احروفها مارفعتنــي |
اقتباس:
بمشرفتنا الرائعه وأختنا العزيزه وعد بيت جميل وأجمل مافيه انه عرفنا بشاعرتك . تقولين ؟ لست بشاعره ولكن طلع معاي هالبيت؟ الشعر ياوعد هو أحساسنا مافيه أنسان مايملك مشاعر واحساس . تبغى القدره على انك تصور ماتحس فيه وهذى صدقيني ماهي صعبه مع الهوايه والممارسه . والدليل بيتك الجميل هذا . مع انه تساوا به العجز والصدر ولكن يبقى رائع بروعه مايحمله من احساس مرهف . وعدك تاخرصاحبي وانا انتظر ....................................؟ عذرك معك ياصاحبي وانا انتظر .................................؟ ماعليك إلا المحاوله وأستشارة من حولك ؟ وانتي شاعرة المستقبل بإذن الله. تحياتي لك |
الساعة الآن 04:55AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية