قصة هوانا ياحبيبي عقيمه=هم الــلــقا اكبر من هموم المسافات
اصبر واداري حبنا بالعزيمه=لولا الحيا ما يجتمع حب وسكات
ياظالمي وشلون ترضى الظليمه=لقيت في تعذيب قلبي ملذات
لك نظرةٍ منها السلامة غنيمة=قل للجريح اللي جرحته سلامات
لك في حياتي ذكرياتٍ قديمه=واغليك في باقي حياتي ومافات
للحب في قلبي مكانه وقيمه=تحييه نظرات الرضا كل ما مات
أذبح هجير الشوق بظلال غيمه=نفحة حنانك تنعش الروح ساعات
قدام عيني صورةٍ مستديمه=ليلى وقيس وحبهم والروايات
سهر الليالي والجروح الاليمه=والشوق وقيود الحيا والمعانات
انا غريماً ما ظفر في غريمه=اطرد سراباً في ضواحي متاهات
غيم الوفا عندي سقى الروح ديمه=مني خيول الشوق يمك مغيرات
علقتني مابين نصر و هزيمه=لانا قريب ولاقطعت العلاقات
الله بلاني فيك بلوى عظيمه=انساك مره واذكرك عشر مرات
طامع ولو قلت النوايا سليمه=ظامي واشوف الماء ودونه حراسات
الحب نار وصاب قلبي جحيمه=انا رهين الشوق معك انت بالذات
كان النظر يمك يسمى جريمه=عز الله أني مجرمٍ كل الاوقات

المشاركة الأصلية كتبت بواسطة عبدالله المفضلي الشمري (المشاركة 160664) قصة هوانا ياحبيبي عقيمه=هم الــلــقا اكبر من هموم المسافات اصبر واداري حبنا بالعزيمه=لولا الحيا ما يجتمع حب وسكات ياظالمي وشلون ترضى الظليمه=لقيت في تعذيب قلبي ملذات لك نظرةٍ منها السلامة غنيمة=قل للجريح اللي جرحته سلامات لك في حياتي ذكرياتٍ قديمه=واغليك في باقي حياتي ومافات للحب في قلبي مكانه وقيمه=تحييه نظرات الرضا كل ما مات أذبح هجير الشوق بظلال غيمه=نفحة حنانك تنعش الروح ساعات قدام عيني صورةٍ مستديمه=ليلى وقيس وحبهم والروايات سهر الليالي والجروح الاليمه=والشوق وقيود الحيا والمعانات انا غريماً ما ظفر في غريمه=اطرد سراباً في ضواحي متاهات غيم الوفا عندي سقى الروح ديمه=مني خيول الشوق يمك مغيرات علقتني مابين نصر و هزيمه=لانا قريب ولاقطعت العلاقات الله بلاني فيك بلوى عظيمه=انساك مره واذكرك عشر مرات طامع ولو قلت النوايا سليمه=ظامي واشوف الماء ودونه حراسات الحب نار وصاب قلبي جحيمه=انا رهين الشوق معك انت بالذات كان النظر يمك يسمى جريمه=عز الله أني مجرمٍ كل الاوقات

[table1="width:100%;"]