يا ليلً ظلامك ساد وارخى سدوله =تعبت اسهرك واحاول اجمع شتاتي
سنيني مسلسل كل عام بفصوله = مشاهد وتعرض ضمن قصة حياتي
يمثل بها الحرمان دور البطوله = وضيف الشرف فيها الامل وامنياتي
ياصبري على وقتي وشيل الحموله= اصارع ظروف ايامي القاسياتي
تعاملني الدنيا بليا عموله = وتاخذ من افراحي ولا قلت هاتي
اقيس الشقا كله بعرضه وطوله = بعد صابني حظي برمح الزناتي
على ماضي الذكرى اخذت الي جوله = ادوّر على صوره لبسمة شفاتي
لقيت اخر البسمه في سن الطفوله = هذا اللي لقيته بس في ذكرياتي
ياوجدي وجود اللي نسى الناس حوله = غدت راحته واخطا طريق النجاتي
في ليلً ظلامه ساد وازداد طوله = ياسعد العيون اللي بجنحه تباتي