لي هاجسٍ لا طفـش ورانـي اصطبّـه=وان زان جوه مايقـدر يكبتـه كابـت
مر الشهر ما قصد فـا لعيـن واللبّـه=مشغول بهمومه اللي كبـرت وعابـت
دايم حروفي ماترضـى تلبـس الجبّـه=ملبوسها الجوخ وان غاب القمر نابـت
والشوق :غصن الهوى لاهـب يلعبّـه=واوراقه الناس ذا ساقـط وذا نابـت!
وانا خفوقـي جريـح ومنعـدم طبّـه=واقول طابت لـو ان النفـس ماطابـت
العمر رحلـة شقـا للـي نسـى ربّـه=عزي لمـن شابـت لحاهـا ولاتابـت
غفيـت عـن حالتـي مانـي بمتنبّـه=وصحيت فجأه بعد شمس الفرح غابت !
والليل موحش وحزنـي هدنـي حبّـه=واغلب هقاوي زمانـي فـي ماخابـت
الراس صبّـه وحظـي صـار مرزبّـه=وصكات بقعـاء تهاجمنـي ولاهابـت!
وان جيت ابنشد زماني وشهي السبّـه=شمعة سوالي بعد مـا اشعلتهـا ذابـت
صندوق الاسرار قلبـي والعقـل ظبّـه=ومفتاح قلبـي لسانـي والقـدر ثابـت
ومن لاوزنها علـى النيشـان والحبّـه=لوصابـت اهدافهـا ماتعتبـر صابـت
وعيون الايام حول ان قلت ابـا اشبّـه=والناس تـال الزمـان ادميهـا رابـت
والعاقل اللـي يشـوف الريـع ويذبّـه=واضغـاث الاحـلام لا ودت ولاجابـت
سبحت بحر القصيـد وتهـت فالغبّـه=ماشابت القافيه مشاعـري شابـت !!

[table1="width:95%;"]